Biyl Qazaqstan halqy Assambleiasynyń qurylǵanyna 30 jyl tolyp otyr — bul qoǵamdyq institýt Memleket basshysynyń Jarlyǵymen qurylǵan. Dál osy Almatyda Assambleiany qurý týraly sheshim qabyldanyp, qazaqstandyq ultaralyq kelisim úlgisiniń negizgi qaǵidattary qalyptastyryldy, - dep habarlaidy Dalanews.kz
Respýblikalyq Dostyq úiinde Qazaqstan halqy Assambleiasynyń 30 jyldyǵyna arnalǵan keńeitilgen otyrys ótti. Qazaqstan Respýblikasy Prezidenti Qasym-Jomart Toqaevtyń tapsyrmasy boiynsha Almaty qalasynyń ákimi Erbolat Dosaev «Qazaqstan halqy Assambleiasyna 30 jyl» mereitoilyq medaldy etnomádeni birlestikterdiń ókilderine, máslihat depýtattaryna jáne Assambleia ardagerlerine tabys etti. Olar elimizdegi etnosaralyq kelisimdi damytýǵa aitarlyqtai úles qosqan.
«Qazaqstan Respýblikasy Prezidenti Qasym-Jomart Kemeluly Toqaev Assambleianyń halyqtyq diplomatiianyń biregei institýty retinde mańyzdylyǵyn árdaiym atap ótedi. 1995 jylǵy 1 naýryzda Almatyda – Qazaqstan táýelsizdiginiń besigi sanalǵan qalada – Qazaqstan halqy Assambleiasyn qurý týraly Qazaqstan Prezidentiniń Jarlyǵyna qol qoiyldy. Dál osy qalamyzda keiinnen memlekettik saiasattyń bir bóligine ainalǵan jáne eldiń turaqtylyǵy men damýynyń basty faktoryna ainalǵan ultaralyq kelisim men birliktiń biregei qazaqstandyq úlgisiniń irgetasy qalandy», - dedi Almaty ákimi Erbolat Dosaev.
Otyrysta sóz sóilegen qala ákimi Erbolat Dosaev Assambleianyń sońǵy otyz jylda halyq diplomatiiasy men dialogtyń pármendi institýtyna ainalǵanyn, «Áralýandyqtaǵy birlik» qaǵidatyn nyǵaityp, jahandyq syn-qater jaǵdaiynda turaqtylyqtyń negizi bolyp otyrǵanyn atap ótti.
Marapattalǵandardyń atynan qatysýshylar joǵary memlekettik baǵa úshin alǵys aityp, beibitshilik, birlik jáne azamattyq biregeilikti nyǵaitý jolynda jumysyn jalǵastyra beretinin jetkizdi. Baiandamashylar sózinde ultaralyq senim, tarihi rizashylyq pen rýhani birlik qundylyqtaryna erekshe nazar aýdardy.
«Qazaq halqynyń qonaqjailyǵy men meiirimdiligi, sondai-aq, ózge etnostardyń alǵysy men rizashylyǵy – Assambleianyń tiregi bolyp tabylatyn dostyq, ózara túsinistik pen ashyqtyqtyń negizi», – dedi «Almaty korei ulttyq ortalyǵy» qoǵamdyq birlestiginiń tóraǵa orynbasary Georgii Kan.
Budan keiingi damýdyń mańyzdy baǵyty – etnomádeni birlestikterge arnalǵan zamanaýi infraqurylymdy qalyptastyrý bolmaq. Osy rette Almaty qalasynyń ákimi Erbolat Dosaev shaharda jańa Dostyq úiin salý jospary bar ekenin málimdedi.
«Búginde 30-dan astam etnomádeni birlestik Dostyq úiinde belsendi jumys júrgizýde. Biz olardy zamanaýi, mádeni almasý ortalyǵy bolatyn, ashyqtyq pen áralýandyqqa qurmettiń simvolyna ainalatyn alańmen qamtamasyz etýdi mańyzdy dep sanaimyz», - dedi ol.
Sondai-aq, ákimniń aitýynsha, Almatyda qalalyq QHA qoldaýymen tórt ulttyq teatr men jeti etnostyq BAQ redaktsiiasy tabysty jumys istep jatyr. Bul tilder men mádenietti saqtap, ultaralyq dialogty nyǵaitýǵa yqpal etedi.
Erbolat Dosaev azamattyq bastamalar men qazaqstandyq biregeilikti qalyptastyrýǵa baǵyttalǵan jobalarǵa erekshe toqtaldy. Almatyda Assambleianyń qoldaýymen bilim berý, patriottyq jáne ekologiialyq bastamalar júzege asyrylyp jatyr. Aksaqaldar men Analar keńesi de belsendi jumys atqaryp otyr. Biyl qalada Respýblikalyq aqsaqaldar keńesi men Analar keńesiniń forýmy ótedi.
«Yntymaq» depýtattyq tobymen birlesip, jastardy qoldaý boiynsha birqatar bastama iske qosyldy. Atap aitqanda, «Qairatker» jas saiasatker mektebi, «Máslihat LUB» bilim berý jobasy jáne «Raqmet, Jer-Ana!» ekologiialyq aktsiiasy uiymdastyryldy.
Otyrys barysynda etnomádeni birlestikter men jastar uiymdarynyń ókilderi qoldaý kórsetkeni úshin alǵys aityp, Almatynyń qoǵamdyq jáne mádeni bastamalardyń flagmany retindegi rólin atap ótti.
«Jastardyń eń myqty bastamalary dál osy Almatyda bastalady. Bizdiń megapolis basqa óńirlerge úlgi bolyp otyr», - dedi Almatydaǵy «Assambleia jastary» RQB ókili Rýstam Qairyev.
Sóz sońynda Erbolat Dosaev Qazaqstan Prezidentiniń atynan Assambleia ókilderine elimizdiń damýyna qosqan úlesi úshin alǵys aitty. Onyń aitýynsha, mereitoilyq marapattar – beibitshilik, birlik pen ultaralyq úilesim jolynda adal qyzmeti úshin berilgen joǵary memlekettik baǵanyń kórinisi.
