Almatyda qala ákimi Erbolat Dosaev Qazaqstan Respýblikasyndaǵy Belarýs Respýblikasynyń Tótenshe jáne Ókiletti Elshisi Aleksei Bogdanovpen kezdesti, dep habarlaidy Dalanews.kz
Qala basshysy Aleksei Bogdanovty jaqynda diplomatiialyq qyzmetke taǵaiyndalýymen quttyqtap, Almaty men Belarýs Respýblikasy arasyndaǵy uzaq merzimdi dostyq qatynastarǵa negizdelgen joǵary deńgeidegi yntymaqtastyǵyn atap ótti.
Kezdesý barysynda ekijaqty yntymaqtastyq, atap aitqanda, saýda-ekonomikalyq bailanysty damytý, investitsiialyq ózara árekettestik jáne mádeni-gýmanitarlyq almasý máseleleri talqylandy.
Belarýs – Almatynyń mańyzdy ekonomikalyq seriktesi. Qalada belorýs kapitaly bar 405 kásiporyn jumys isteidi, al 2024 jyly Almaty men Belarýs arasyndaǵy taýar ainalymy shamamen 300 mln AQSh dollar bolǵan.
Kezdesý sońynda taraptar ózara iskerlik delegatsiialardy jiberý, saýda-ekonomikalyq, investitsiialyq jáne ǵylymi-bilim berý yntymaqtastyǵyn jandandyrý týraly kelisti.
