Almaty qalasynyń ákimi Darhan Satybaldy Qytai Halyq Respýblikasynyń Qazaqstan Respýblikasyndaǵy Tótenshe jáne Ókiletti Elshisi Han Chýnlin myrzamen kezdesti. Basqosý barysynda ózekti máseleler men ekijaqty yntymaqtastyqty odan ári damytý múmkindiitepi talqylandy. Sonymen qatar kezdesýge QHR-dyń Almatydaǵy Bas konsýly Tszian Vei de qatysty,- dep habarlaidy Dalanews.kz
Darhan Satybaldy Almaty men Qytai arasyndaǵy ózara tiimdi áriptestikti nyǵaitýdyń mańyzyn atap, ásirese saýda, ónerkásip jáne investitsiia syndy basym salalardaǵy seriktestikke toqtaldy.
«Dostyq qarym-qatynasymyzdyń arqasynda Almaty men Qytai arasyndaǵy taýar ainalymy dástúrli túrde joǵary deńgeide saqtalyp keledi. Qytaidyń úlesine Almatynyń jalpy syrtqy saýda ainalymynyń 32,9%-y tiesili. Biyl qańtar–mamyr ailary aralyǵynda qala men QHR arasyndaǵy taýar ainalymy 3,4 mlrd AQSh dollarynan asty», — dedi ákim.
Kezdesýde ónerkásiptik kooperatsiia jaiyna de erekshe nazar aýdaryldy. Qala basshysy Almatyda avtomobil klasterin qurý baǵytynda belsendi jumys júrgizilip jatqanyn, onyń megapolistiń indýstriialyq ósiminiń negizgi qozǵaýshy kúshteriniń birine ainalyp kele jatqanyn aitty.
«Búginde Almatynyń Indýstriialyq aimaǵynda qytailyq seriktesterdiń qatysýymen aýqymdy joba júzege asyrylyp otyr. Changan, Chery jáne Haval markalaryndaǵy kópbrendti avtozaýyt iske qosylmaq. Kásiporyn jylyna 90 myń jeńil avtokólik shyǵara alady. 2028 jylǵa qarai óndiris kólemin jylyna 220 myń avtokólikke deiin ulǵaitý josparlanyp otyr», — dedi shahar basshysy.
Sonymen qatar ákim týristik jáne kólik bailanystaryn keńeitýdiń mańyzdy ekenin atap ótti. Qazirgi tańda Almaty Beijiń, Úrimji, Sian, Hanchjoý, Sania, Gýanchjoý jáne Inin sekildi Qytaidyń iri qalalarymen tikelei áýe reisteri arqyly bailanysqan. Jýyrda China Eastern Airlines áýe kompaniiasynyń Shanhai – Almaty baǵytyndaǵy jańa reisi ashyldy.
Óz kezeginde Qytai Halyq Respýblikasynyń Tótenshe jáne Ókiletti Elshisi Han Chýnlin myrza ekijaqty yntymaqtastyqty odan ári keńeitýge múddeli ekenin bildirip, Almaty men Qytai qalalary arasyndaǵy seriktestiktiń joǵary áleýetin atap ótti.
«Memleketterimizdiń kóshbasshylarynyń strategiialyq basshylyǵy aiasynda iskerlik yntymaqtastyq turaqty oń qarqyn kórsetip otyr. Byltyr elderimiz arasyndaǵy taýar ainalymy 43,8 milliard AQSh dollaryna jetip, aldyńǵy jylmen salystyrǵanda 6,8% artty. Jalpy alǵanda, biz Qazaqstanmen saýda, investitsiia, týrizm, mádeniet jáne densaýlyq saqtaý salalaryndaǵy áriptestikti odan ári nyǵaitýǵa daiynbyz», — dedi Elshi.
Kezdesý qorytyndysy boiynsha taraptar ekonomikalyq jáne gýmanitarlyq bailanysty odan ári damytýǵa baǵyttalǵan ortaq bastamalardy iske asyrýǵa ózara daiyn ekenin rastady.
