Rysqulov dańǵyly men Emtsov kóshesiniń qiylysynda kólik jolairyǵynyń qurylysy aiaqtalýda. Rysqulov dańǵyly arqyly ótetin estakadada jol jabynyn ornatýǵa daiyndyq júrgizilýde. Jaqyn ornalasqan aýmaq abattandyrylýda. Estakadanyń uzyndyǵy – 186 metr. Buryndary jeke búiirli sezder boiynsha kólik qozǵalysy ashylǵan bolatyn. Jolairyǵy Rysqulov dańǵyly boiynsha kólik ótkizý qabiletin táýligine 80 myń avtomobilge deiin, Emtsov kóshesi boiynsha – 40 myńǵa deiin arttyrady.
Sonymen qatar, Almaty ákimi Momyshuly kóshesinen Naýryzbai aýdanynyń ákimshilik ortalyǵyna deiingi uzyndyǵy 3,5 km ýchaskeniń qurylysy aiaqtalyp qalǵan Abai dańǵylyn uzartýdyń barysymen tanysty. Ár baǵytta qozǵalys úshin 3 jolaq qarastyrylǵan. Áshimov kóshesiniń ústinen 400 metrlik estakada salý jalǵasýda. Bul ýchaskedegi qozǵalys ýaqytsha syzba boiynsha uiymdastyrylady.
Bulardan ózge, megapolis ákimi Jandosov kóshesindegi BRT jelisi boiynsha kóshe-jol jelisin rekonstrýktsiialaý jumystarynyń aýqymyn baǵalady. Súleimenov kóshesinen Úlken Almaty ózenine deiingi ýchaskeniń uzyndyǵy 1 km. Osylaisha, Mustafin - Súleimenov - Jandosov - Timiriazev kóshelerimen Jeltoqsan kóshesine deiin uzyndyǵy 8,7 km BRT jelisiniń birinshi ýchaskesiniń qurylysy aiaqtalady.
Jumys sapary kezinde Baqytjan Saǵyntaev Qalqaman-2 shaǵyn aýdanyndaǵy 1800 oryndy mektep qurylysynyń barysymen tanysty. Qurylysty aiaqtaý aǵymdaǵy jyldyń sońyna josparlanǵan.
