Almaty qalasynyń ákimi Darhan Satybaldy Turǵut Ozal kóshesinde ornalasqan «№58 jalpy bilim beretin mektep» KMM ǵimaratyna japsarlas salynǵan qosalqy nysandy qaita qurý alańyna bardy, dep habarlaidy Dalanews.kz
Joba boiynsha munda mektep janynan zamanaýi oqý jáne sport úi-jaiy bar 576 oryndyq qosymsha nysan salynýǵa tiis. Jumys 2024 jyldyń shildesinde bastaldy, al kelisimshart boiynsha 2025 jyldyń jeltoqsanynda aiaqtalýy kerek edi. Alaida, qurylys bekitilgen kesteden edáýir artta qalyp otyr.
Ákim balalardyń oqýǵa orny joq ekenin, sondyqtan jaǵdai shuǵyl sheshýdi talap etetinin atap ótti. Merdigerge kemshilikti joiý úshin eki apta merzim berildi. Qala basshysy jumys barysyn kúndelikti baqylaý jáne qarajatty ashyq paidalaný qajettigin atap ótti.
«Merzimi eki apta. Biz jumystyń qarqynyn qadaǵalaimyz, kún saiyn maǵan jaǵdai týraly baiandaisyzdar. Nysan meniń jiti baqylaýymda. Eger eshqandai ózgeris bolmasa, biz shartty buzamyz. Merdigerler jumysty qosalqy merdigerlerge aýystyrýdyń ornyna óz kúshterine senýi kerek», - dedi Darhan Satybaldy.
Bilim basqarmasyna, Qurylys basqarmasyna jáne jaýapty qyzmetterge nysandy erekshe baqylaýǵa alý jáne jumys barysy týraly apta saiyn baiandaý tapsyryldy.
Qaita qurý aiasynda jertólesi men sport zaly bar jańa úsh qabatty korpýs salý, ashana men akt zaly bar blok turǵyzý, zamanaýi standarttarǵa sáikes jumys istep turǵan mektep úi-jailaryn qaita josparlaý jáne jańartý, sondai-aq injenerlik jelilerdi, shatyrdy jáne órt qaýipsizdigi júielerin aýystyrý kózdelgen.
