Almaty ákimi Dárhan Satybaldy respýblikalyq «Taza Qazaqstan» ekologiialyq baǵdarlamasyn júzege asyrý máseleleri boiynsha jiyn ótkizdi,- dep habarlaidy Dalanews.kz
Ekologiia jáne qorshaǵan orta basqarmasynyń basshysy Miras Gaisin qýraǵan aǵashtardy joiý, qalany sanitarlyq tazalaý jáne jasyl jelekterdi qyrqý jumystary jóninde baiandady. Ákimniń tapsyrmasymen monitoringtik toptar qurylyp, olar ásirese mektepter men balabaqshalardyń mańyndaǵy aǵashtardyń jai-kúiin tekserýde.
Bilim basqarmasynyń basshysy Sairan Saifedenov bilim berý uiymdarynyń aýmaqtaryndaǵy sanitarlyq qyrqý jumystary jáne «Taza Qazaqstan» baǵdarlamasy aiasynda oqýshylar men ustazdardyń qatysýymen ótkiziletin ekologiialyq aktsiialar týraly aitty.
Dárhan Satybaldy 1 qyrkúiekke deiin barlyq qazylǵan jerlerdi qalpyna keltirip, aǵashtardy sanitarlyq qyrqýdan ótkizip, aýlalardy abattandyryp, kósheler men áleýmettik nysandarda tazalyqty qamtamasyz etýdi tapsyrdy.
«Jańa oqý jyly bastalǵaly tur. Almaty oqýshylardy taza ári jasyl qala bolyp qarsy alýy mańyzdy. Árbir nysan – mektep, balabaqsha, emhana – birizdi tártippen, jaryǵy durys jumys istep turýy jáne jaǵdaiy turaqty baqylaýda bolýy qajet», – dedi qala ákimi.
