Almaty ákimdigi 2026 jylǵa arnalǵan biýdjette jeke menshik «Qairat» fýtbol klýbyna 750 mln teńge bólý týraly aqparatqa qatysty pikir bildirdi. Vedomstvo ókilderiniń aitýynsha, bul qarajat naqty bir klýbty qarjylandyrýǵa arnalmaǵan, degenmen qujatta qarajat alýshy retinde dál osy «Qairat» kórsetilgen, dep habarlaidy Dalanews.kz BES.media-ǵa silteme jasap.
Ákimdik ókilderi bul qarjy sport klýbtarynyń qyzmetin uiymdastyrýǵa arnalǵanyn jáne merdiger memlekettik satyp alý konkýrsy arqyly anyqtalatynyn málimdedi.
Qala ákimdigi «Qairat» fýtbol klýby biýdjet qarjysyn tikelei alýshy emes, tek balalar men jasóspirimder komandalaryn uiymdastyrý qyzmetin kórsetetin áleýetti jetkizýshilerdiń biri ǵana ekenin atap ótken.
Sonymen qatar, bilik ókilderi bul qarajat klýbtyń negizgi kásibi komandasyn qarjylandyrýǵa arnalmaǵanyn atap ótti.
Eske salaiyq, buǵan deiin «Qairat» fýtbol klýby 2026 jyly Almaty biýdjetinen 840 mln teńge alatyny habarlanǵan edi.
