Almashan Ahmedjanov: «Almatyda kvartaldy qurylys 1 gektarǵa 440 adamnan aspaýy tiis»
Búgin qalalyq máslihattyń VII shaqyrylymdaǵy kezekten tys VI sessiiasynda Almaty ákimi Baqytjan Saǵyntaevtyń tapsyrmasy boiynsha ázirlengen «Qalanyń sáýlettik kelbetin qalyptastyrý jáne qala qurylysyn josparlaý erejeleri» qabyldandy.
A. Ahmedjanovtyń aitýynsha, halyqtyń tyǵyzdyǵy kvartaldy qurylys barysynda 1 gektarǵa 440 adamnan aspaityn bolyp esepteledi, al tarihi ortalyqtaǵy qurylysta gektaryna 300 adamnan aspaýy tiis.
Bul jaǵdaida tyǵyzdyqty birmezgildiktik sharttardy saqtai otyryp, 20%-ǵa arttyrýǵa bolady, olar mynalar:
- jetkilikti injenerlik infraqurylymnyń bolýy;
- kólikke qoljetimdilik, jerasty jáne (nemese) kópdeńgeili t parkingter;
- salynǵan jáne japsarlas salynǵan balabaqshalar men mektepke deiingi mekemeler;
- jer silkinisi kezinde jinalýǵa arnalǵan oryndar men qadamdyq qashyqtyqta normativtik qaýipsizdik aiasyndaǵy jasyl aimaqtar;
- jaiaý qashyqtyqtaǵy orta mektepterdegi oryndarmen qamtamasyz etýdiń jetkilikti deńgeii;
- 500 metrden aspaityn radiýsta kúndelikti qyzmet kórsetý nysandarynyń bolýy;
- halyqtyń sanitarlyq-epidemiologiialyq salaýattylyǵy salasynda normativtik-quqyqtyq aktilerge jáne azamattyq qorǵaý salasyndaǵy normativtik-tehnikalyq qujattarǵa sáikes jáne turǵyndarǵa shaqqanda úi janyndaǵy aýmaqtyń 10 sharshy metr (turmystyq jáne rekreatsiialyq qajettilikterge arnalǵan alańdardy, avtoturaqtardy, abattandyrý men kógaldandyrýdy eskere otyryp) bolýy saqtalýy tiis.
