QR Qarjylyq monitoring agenttigi tóraǵasynyń orynbasary Jeńis Elemesov «Shańyraq» qoǵamdyq birlestiginiń jetekshisi Almasbek Sadyrbaiǵa qatysty istiń ne sebepti arnaiy prokýratýraǵa berilgenin túsindirdi, dep habarlaidy Dalanews.kz.
"Qai organ qandai isti tergeitini týraly sheshimdi ýákiletti organ retinde prokýratýra qabyldaidy. Almasbek Sadyrbaiǵa qatysty buǵan deiin de ózge qylmystyq ister bolǵan. Sondyqtan bizdiń qylmystyq is solarmen biriktirildi. Memlekettik organdar bir adamǵa qatysty birneshe isti jeke-jeke tergemeidi. Barlyǵy bir organda júrgizilýi úshin, bizdiń isimiz de solarǵa berilip, qazirgi kezde solar tarapynan tergelip jatyr. Is bizdiń qaraýymyzda bolǵan kezde Qylmystyq kodekstiń 189-baby qoldanyldy. Al prokýratýra qai bapty qoldanatyny maǵan belgisiz", – dedi Jeńis Elemesov Májilis kýlýarynda.
Aita keteiik, byltyr 6 qarashada Sadyrbai ózi basqaratyn adamdar toby Balqash, Eńbekshiqazaq, Kegen, Raiymbek jáne Uiǵyr aýdandarynda jalǵan aýyl sharýashylyǵy kooperativterin qurdy degen kúdikke ilingen.
Negizgi maqsat - usaq maldyń analyq basyn uryqtandyrýǵa sýbsidiialardy zańsyz alý jáne jemshóp shyǵyndaryn óteý.
"Bul úshin zańnamaǵa qaishy aýylsharýashylyq jerleri joq sharýa qojalyqtary tartyldy. Budan ári jalǵan kadastrlyq nómirlerdi kórsete otyryp, dáieksiz málimetterdi qamtityn sýbsidiialar alýǵa ótinimder qashyqtan berildi. Bul rette aýyl sharýashylyǵy kooperativteri basshylaryn habardar etpei, olardyń ETsQ-sy paidalanyldy.
Osylaisha 1,2 mlrd teńgeden astam qarajat urlanǵan", - dep habarlady buǵan deiin QMA.
Keiin Almasbek Sadyrbaev ustaldy. Onyń sybailasy tergeý sotynyń sanktsiiasymen úi qamaqqa alyndy.
Al ustalǵanynan eki apta buryn Almasbek Sadyrbaev Arman Abdollaǵa suhbat bergen. Sadyrbaev óz suhbatynda eldegi nan baǵasynyń qymbat ekenin aityp, onyń shyn baǵasy 50 teńge bolýy keregin de aitty.
Sondai-aq, Qazaqstanda qashan asharshylyq bolatynyn da boljaǵan.
