Qazaqstandyq avtokólik kompaniiasy Allur men «Qazposhta» AQ kólik qyzmetteri men logistika salasynda ózara tiimdi yntymaqtastyqty damytý jónindegi memorandýmǵa qol qoidy. Qujatqa Allur direktorlar keńesiniń tóraǵasy Andrei Lavrentev pen «Qazposhta» AQ basqarma tóraǵasy Bekejan Jakeev qol qoidy, dep habarlaidy Dalanews.kz
Kelisim tasymal tiimdiligin arttyrýǵa, kólik infraqurylymyn damytýǵa jáne avtokólikti basqarýdyń zamanaýi tehnologiialaryn engizýge baǵyttalǵan. Yntymaqtastyqtyń negizgi baǵyttary retinde poshta jáne logistikalyq qyzmetke arnalǵan avtokólikterdi jetkizý, sondai-aq avtoparkti basqarýdyń zamanaýi sheshimderin engizý belgilendi.
«Qazposhta» AQ avtoparkti jańartý baǵdarlamasyn kezeń-kezeńimen júzege asyryp keledi. Sonyń ishinde Qostanai qalasyndaǵy Allur zaýytynda óndirilgen avtokólikterdi satyp alý arqyly park jańartylýda.
Yntymaqtastyqty odan ári damytý aiasynda «Qazposhta» otandyq óndiristegi jeńil jáne arnaiy tehnikalarmen, onyń ishinde brondalǵan kólikter men pikaptarmen avtoparkti jańartýdy jalǵastyrýdy josparlap otyr. Jetkizilimderdi qarjylandyrý «Ónerkásipti damytý qory» AQ qatysýymen lizingtik quraldar arqyly júzege asyrylady.
Kompaniiada jańa avtokólikterdi satyp alý jetkizý senimdiligi men jyldamdyǵyn arttyryp, klientterge qyzmet kórsetý sapasyn jaqsartady dep kútilýde.
