قازاقستاندىق اۆتوكولىك كومپانياسى Allur مەن «قازپوشتا» اق كولىك قىزمەتتەرى مەن لوگيستيكا سالاسىندا ءوزارا ءتيىمدى ىنتىماقتاستىقتى دامىتۋ جونىندەگى مەموراندۋمعا قول قويدى. قۇجاتقا Allur ديرەكتورلار كەڭەسىنىڭ ءتوراعاسى اندرەي لاۆرەنتيەۆ پەن «قازپوشتا» اق باسقارما ءتوراعاسى بەكەجان جاكەيەۆ قول قويدى، دەپ حابارلايدى Dalanews.kz
كەلىسىم تاسىمال تيىمدىلىگىن ارتتىرۋعا، كولىك ينفراقۇرىلىمىن دامىتۋعا جانە اۆتوكولىكتى باسقارۋدىڭ زاماناۋي تەحنولوگيالارىن ەنگىزۋگە باعىتتالعان. ىنتىماقتاستىقتىڭ نەگىزگى باعىتتارى رەتىندە پوشتا جانە لوگيستيكالىق قىزمەتكە ارنالعان اۆتوكولىكتەردى جەتكىزۋ، سونداي-اق اۆتوپاركتى باسقارۋدىڭ زاماناۋي شەشىمدەرىن ەنگىزۋ بەلگىلەندى.
مەموراندۋمعا قول قويۋ تاراپتاردىڭ ستراتەگيالىق ارىپتەستىگىن نىعايتىپ، قازاقستانداعى زاماناۋي، ءتيىمدى ءارى تەحنولوگيالىق كولىك-لوگيستيكالىق ينفراقۇرىلىمدى دامىتۋعا جول اشادى.
«قازپوشتا» اق اۆتوپاركتى جاڭارتۋ باعدارلاماسىن كەزەڭ-كەزەڭىمەن جۇزەگە اسىرىپ كەلەدى. سونىڭ ىشىندە قوستاناي قالاسىنداعى Allur زاۋىتىندا وندىرىلگەن اۆتوكولىكتەردى ساتىپ الۋ ارقىلى پارك جاڭارتىلۋدا.
ىنتىماقتاستىقتى ودان ءارى دامىتۋ اياسىندا «قازپوشتا» وتاندىق وندىرىستەگى جەڭىل جانە ارنايى تەحنيكالارمەن، ونىڭ ىشىندە بروندالعان كولىكتەر مەن پيكاپتارمەن اۆتوپاركتى جاڭارتۋدى جالعاستىرۋدى جوسپارلاپ وتىر. جەتكىزىلىمدەردى قارجىلاندىرۋ «ونەركاسىپتى دامىتۋ قورى» اق قاتىسۋىمەن ليزينگتىك قۇرالدار ارقىلى جۇزەگە اسىرىلادى.
كومپانيادا جاڭا اۆتوكولىكتەردى ساتىپ الۋ جەتكىزۋ سەنىمدىلىگى مەن جىلدامدىعىن ارتتىرىپ، كليەنتتەرگە قىزمەت كورسەتۋ ساپاسىن جاقسارتادى دەپ كۇتىلۋدە.
