Otandyq avtoóndiristegi kóshbasshylardyń biri - Allur kompanıalar toby  mashına qurylysyna mamandar daıyndaýmen aınalysyp jatyr. Óndiris orny Qostanaı oblysyndaǵy kásiptik oqý oryndarynyń birin qamqorlyǵyna alǵan. Qazir Avtokólik kolejinde 1300 stýdent bilim alady. Kompanıa birneshe jyldan beri ózderi qurǵan Korporatıvtik ýnıversıtette ózderine qajet mamandardy oqytyp shyǵarady. 

 

Allur kompanıalar toby Qostanaıdaǵy avtokólik kolejin  jóndeýden ótkizip, tehnıkalyq bazany jańartty. Dýaldi oqytýdy uıymdastyrdy. Iaǵnı, stýdentter zaýytta tájirıbeden ótedi. Keıin osynda jumysqa ornalasady.

 

Azat Ábishev, kadrmen jumys jónindegi maman: 

- Men buryn osy jerden tájirıbeden ótkem.  Jumysymdy, adamdarmen tez til tabysatynymdy baıqap, qaıta shaqyrdy. Qazir elektr dánekerleýshilerdi oqytyp jatyrmyz. Arasynda oqýdy jańadan bitirgender de, jasy úlken adamdar da bar.

 

Allur buǵan qosa, taǵy bir jańa jobany qolǵa alyp, bir jyl ishinde qazaq tilindegi mashına jasaý termınderiniń sózdigin jasap shyǵardy.

 

Aıgúl Ahmetova, R and D joba jetekshisi:

- Ár sózdi talqylap, aýdarmasy bolsa aýdardyq. Aýdarmasy bolmasa, qarapaıym tilmen túsindirip, ol sózdiń óndiristegi qoldanysyn anyqtaý úshin ár sóz úshin ofıs pen óndiristiń ortasynda júrdik. Engizilgen, aýdarylǵan sózderdi qazaq tobynynyń balalary birden qabyldap aldy.

 

Mashına jasaý zaýyty ókilderiniń aıýtynsha, qolynan is keletin, eńbekqor jastar aımaqta óte kóp. Olarǵa alǵan bilimin óndiris ornynda ushtastyrýǵa jaǵdaı jasalýy tıis.

Qazaqstandaǵy mashına jasaý ónerkásibi óndiris kóleminiń, jańa jumys oryndaryn ashý men jalaqynyń ósimi boıynsha kóshbasshylar qatarynda. Qazir respýblıkada osy salada 3,5 myń kásiporyn bar. Onda 115 myńnan astam adam jumys isteıdi.

https://youtu.be/iSrRGe2iLTA?si=8bLR55ONKrNa8Pa