Allur كومپانيالار توبى قوستانايداعى اۆتوكولىك كوللەدجىن جوندەۋدەن وتكىزىپ، تەحنيكالىق بازانى جاڭارتتى. ءدۋالدى وقىتۋدى ۇيىمداستىردى. ياعني، ستۋدەنتتەر زاۋىتتا تاجىريبەدەن وتەدى. كەيىن وسىندا جۇمىسقا ورنالاسادى.
ازات ابىشيەۆ، كادرمەن جۇمىس جونىندەگى مامان:
- مەن بۇرىن وسى جەردەن تاجىريبەدەن وتكەم. جۇمىسىمدى، ادامدارمەن تەز ءتىل تابىساتىنىمدى بايقاپ، قايتا شاقىردى. ءقازىر ەلەكتر دانەكەرلەۋشىلەردى وقىتىپ جاتىرمىز. اراسىندا وقۋدى جاڭادان بىتىرگەندەر دە، جاسى ۇلكەن ادامدار دا بار.
Allur بۇعان قوسا، تاعى ءبىر جاڭا جوبانى قولعا الىپ، ءبىر جىل ىشىندە قازاق تىلىندەگى ماشينا جاساۋ تەرميندەرىنىڭ سوزدىگىن جاساپ شىعاردى.
ايگۇل احمەتوۆا، R and D جوبا جەتەكشىسى:
- ءار ءسوزدى تالقىلاپ، اۋدارماسى بولسا اۋداردىق. اۋدارماسى بولماسا، قاراپايىم تىلمەن ءتۇسىندىرىپ، ول ءسوزدىڭ وندىرىستەگى قولدانىسىن انىقتاۋ ءۇشىن ءار ءسوز ءۇشىن وفيس پەن ءوندىرىستىڭ ورتاسىندا جۇردىك. ەنگىزىلگەن، اۋدارىلعان سوزدەردى قازاق توبىنىنىڭ بالالارى بىردەن قابىلداپ الدى.
ماشينا جاساۋ زاۋىتى وكىلدەرىنىڭ ايۋتىنشا، قولىنان ءىس كەلەتىن، ەڭبەكقور جاستار ايماقتا وتە كوپ. ولارعا العان ءبىلىمىن ءوندىرىس ورنىندا ۇشتاستىرۋعا جاعداي جاسالۋى ءتيىس.
قازاقستانداعى ماشينا جاساۋ ونەركاسىبى ءوندىرىس كولەمىنىڭ، جاڭا جۇمىس ورىندارىن اشۋ مەن جالاقىنىڭ ءوسىمى بويىنشا كوشباسشىلار قاتارىندا. ءقازىر رەسپۋبليكادا وسى سالادا 3،5 مىڭ كاسىپورىن بار. وندا 115 مىڭنان استام ادام جۇمىس ىستەيدى.
https://youtu.be/iSrRGe2iLTA؟si=8bLR55ONKrNa8Pa
