Boksshy Jánibek Álimhanulynyń komandasy taǵy da málimdeme jasady, dep habarlaıdy Dalanews.kz.

Sportshynyń menejeri Berik Sultannyń aıtýynsha, qazir mamandar jumys istep jatyr.

"Jánibek aq! Tyıym salynǵan eshqandaı zat qoldanbaıdy! Bokstaǵy dopıng daýy boıynsha mamandar aınalysyp jatyr. Promoýter, menejer men zańgerler jumys istep jatyr. Jánibek te, men de eshteńe jasaı almaımyz, bizdiki tek kútý! Barynsha az ýaqytqa shettetilý boıynsha jumys jasalyp jatyr. Qaıǵyryp otyra bergennen eshteńe sheshilmeıdi. Budan da ótemiz", - dedi ol.

Jánibek Álimhanuly 6 jeltoqsanda Kýba boksshysy Erıslandı Laramen jekpe-jekke shyǵýy tıis edi. Alaıda kezdesý bolmaıtyny resmı túrde habarlandy. Buǵan sebep: qazaqstandyq boksshynyń analızinen tyıym salynǵan preparat tabylǵan.

Keıinirek týrızm jáne sport vıse-mınıstri Serik Jarasbaev boksshy Jánibek Álimhanulyna qatysty dopıng daýyna pikir bildirdi.