Belgili vizajist Robert Minasian Qazaqstannyń burynǵy prezidenti Nursultan Nazarbaevtyń otbasymen jumys istegen kezeńi týraly aityp berdi. Ol bul jaiynda jýrnalist ári bloger Rýstam Solntsevtiń blogynda sóz qozǵaǵan, dep habarlaidy dalanews.kz.
Minasiannyń aitýynsha, shamamen 20 jyl buryn ony arnaiy Almatyǵa shaqyryp, Áliia Nazarbaevaǵa makiiaj jasaý usynylǵan. Alaida sapar bir kúndik jumyspen shektelmei, birneshe kúnge sozylǵan.
"Meni arnaiy aldyrtyp, bes túnge qaldyrdy", – dedi vizajist.
Onyń sózinshe, sol kúnderi túrli keshter men basqosýlarǵa qatysyp, Nazarbaevtar áýletiniń jaqyn ortasynda bolǵan.
"Bes tún qatarynan óte qyzý qydyrdyq", – dep eske aldy Robert Minasian.
Vizajist sol sapar kezinde alǵash ret Birkin sómkesin kórgenin de aityp, sol kezdegi sán-saltanat pen bailyqtyń aýqymy ózine erekshe áser etkenin jetkizdi.
Minasian atqarǵan jumysy úshin qomaqty syiaqy alǵanyn da jasyrmady. Onyń aitýynsha, Áliia Nazarbaeva bir makiiaj úshin «ondyq» tólegen. Alaida sózdiń naqty qai valiýta týraly bolǵanyn ol naqtylamaǵan.
Robert Minasian 1990-jyldardan beri grimior jáne vizajist retinde eńbek etip keledi. Ol kásibi mansabynda birneshe elde jumys istegen. Qazir Kaliforniiada turady. Onyń qyzmetin AQSh, Resei, Armeniia jáne Germaniiadaǵy shoý-biznes ókilderi paidalanǵan.
