Alǵashqy jaily mektepter Bilim kúni ashyldy
1 qyrkúiekte elimizde 90 myńǵa jýyq oqýshy ornyna arnalǵan jańa 70 mektep esikterin aiqara ashty, onyń birqatary Memleket basshysynyń tapsyrmasymen «Jaily mektep» ulttyq jobasy aiasynda salynǵan. Oqý-aǵartý ministri Ǵani Beisembaev Astana qalasyndaǵy №103 mekteptiń ashylý saltanatyna qatysty.
Vedomstvo basshysy oqýshylardy 2024-2025 oqý jylynyń bastalýymen quttyqtady. Ol memleket tarapynan balalardy sapaly bilimmen, sanaly tárbiemen qamtý baǵytynda jasalyp jatqan sharalardy atap ótti. 1 qyrkúiekte 90 myńǵa jýyq oqýshy qoldanysqa biylǵy jyly berilgen, onyń ishinde «Jaily mektep» ulttyq jobasy aiasynda salynǵan sý jańa mektep partalaryna otyrdy. Al 200 myńnan astam bala kúrdeli jóndeýden ótip, qaita jabdyqtalǵan mektepterde bilim alady.
«Búgin ustazdardyń óskeleń urpaqqa bilimmen tárbie berýdegi orasan eńbegin atap ótkimkeledi. Ulttyń aǵartýshy uly tulǵasy Ahmet Baitursynuly «Ustaz - ult kelbeti» dep beker aitpasa kerek. Sondyqtan aǵartýshylyq missiiasyn adal atqaryp júrgen ustazdardyń eńbegi laiyqty túrde joǵary baǵalanýy tiis. Biylǵy oqý jyly joǵary jetistikter men tolaǵai tabystarǵa toly bolsyn!», - dedi Ǵani Beisembaev óz quttyqtaýynda.
🏫Búgin alǵashqy jaily mektepterdiń ashylý saltanatyna sonymen qatar Premer-Ministrdiń birinshi orynbasary R.Skliar, vitse-premer T.Dúisenova bastaǵan densaýlyq saqtaý, mádeniet jáne aqparat, ǵylym jáne joǵary bilim, ónerkásip jáne qurylys ministrleri qatysty.
Esterińizge sala keteiik, «Jaily mektep» ulttyq jobasy Memleket basshysynyń bastamasymen júzege asýda. Ol oqýshy ornynyń jetispeýshiligin sheshýge jáne qala men aýyl mektepteri arasyndaǵy alshaqtyqty azaitýǵa baǵyttalǵan. Jobada fýnktsionaldy jáne qaýipsiz bilim berý ortasyn qurýǵa erekshe nazar aýdarylady. Bastaýysh jáne joǵarǵy synyp oqýshylary úshin bólek bloktar qarastyrylǵan.
Sondai-aq tehnikalyq quraldardy engizý arqyly qaýipsizdik sharalaryn arttyrý, erekshe bilim berýdi qajet etetin balalar úshin kedergisiz orta qalyptastyrý, mektepti zamanaýi pándik kabinettermen jabdyqtaý talap etiledi. 2024-2025 oqý jylynda barlyǵy 217 nysannyń qurylysy júrýde. Ulttyq joba aiasynda barlyǵy 740 myń oqýshy ornyna arnalǵan 369 mektep salynady.
Jalpy qazaqstandyq mektepterde 3,9 mln oqýshy bilim alady. Biylǵy jyly 352 myń balaqai alǵash ret mektep tabaldyryǵyn attady, al 11 synypqa 219 myń oqýshy kóshti.
