Bıyl Túrkistan oblysyndaǵy bilim berý salasyndaǵy basty jańalyq retinde Ulttyq biryńǵaı testileýine daıyndalýǵa arnalǵan http://ontest.kz baǵdarlamasy iske qosylǵanyn aıryqsha atap aıtýǵa bolady. Búginde mektep oqýshylary synaqqa daıyndalý úshin onlaın rejımde atalǵan saıtqa kirip óz bilimderiniń qanshalyqty deńgeıde ekenin biletin múmkindikke ıe bolyp otyr.



Oqýshy júıede jumys isteý úshin aty-jónin, elektrondy pochtasyn, jasyryn sózdi, aýdanyn, ózi oqıtyn mektebin engizip tirkelýi kerek. Synaq tapsyrýshy testileý qorytyndysyn sol mezette bile alady. Sonymen qatar onda oqýshynyń jeke kabınetinde qashan jáne qansha ret testen ótkeni týraly málimetter bolady.

Sondaı-aq, oqýshy qaı suraqtarǵa durys jaýap bermegeni týraly málimetti kórip qatemen jumys isteýge múmkindigi bar. Shákirtter úshin testileý tegin jáne mobıldi qurylǵy arqyly da paıdalana alady. Respýblıkada alǵash ret qolǵa alynyp otyrǵan júıe aqysyz túrde jumys jasaıdy.

Aıta keteıik, osy baǵdarlama arqyly bilim basqarmasy oblystyń kez kelgen mektebinde qansha oqýshy daıyndyq synaǵyn tapsyrǵany, onyń pánder boıynsha orta balyn, mekteptiń orta balyn, aýdannyń orta balyn kórý múmkindigine qol jetkizip otyr.

Dalanews.kz