Róli oń jaqta ornalasqan 70 myńnan asa kólik jolaýshylar tasymalynan alyp tastaldy. Bul týraly Úkimet otyrysynda aityldy, dep habarlaidy dalanews.kz.
Qazaqstanda jolaýshylar tasymalynyń qaýipsizdigin kúsheitý jáne joldarda tártip ornatý baǵytynda jumys kúsheitilgen. inDrive qyzmetine tapsyrys berý servisinen róli oń jaqta ornalasqan 70 myńnan asa kólik alyp tastalǵan, óitkeni mundai kólikterdi jolaýshylardy tasymaldaýda paidalanýǵa zańmen tyiym salynǵan. Bul týraly Úkimet otyrysynda inDrive Kazakhstan kompaniiasynyń bas direktory Arai Bekembaev málimdedi.
Odan bólek, joldaǵy júrgizýshilerdiń minez-qulqyn baqylap otyrý úshin olardyń jeke basyn jáne kóligin anyqtaý maqsatynda fotobaqylaý belsendi qoldanylyp jatyr.
"Sondai-aq, 2GIS integratsiiasy arqyly jyldamdyq pen sharshaýdy baqylaý júiesi engizilgen. Naýryzdan beri Safety Hub qaýipsizdik ortalyǵy jumys istep tur, onyń operatorlary júrgizýshilerge jyldamdyqty joǵarylatqan nemese uzaq ýaqyt júrgizgen kezde qońyraý shalady. Qabyldanyp jatqan sharalar nátijesinde jyldamdyqty arttyrý úlesi 42 paiyzǵa tómendedi", - dedi ol.
Eske salaiyq, buǵan deiin Qazaqstanda júrgizýshilerge baldyq júie engizilip, róli oń jaqta ornalasqan kólikterdi taksige paidalanýǵa tyiym salynatyny habarlandy. Byltyrdan beri Qazaqstanda taksi agregatorlaryna baqylaý kúsheitilgen edi. Osylaisha tsifrlyq aqparat almasý jolǵa qoiylǵan.
