Jýrnalist Rýslan Ótepbai áleýmettik jelidegi paraqshasynda marqum feldsher Uldana Myrzýanyń jubaiyna jibergen sońǵy sýretine qatysty video jariialady, dep habarlaidy dalanews.kz.
Onyń aitýynsha, Uldana men Ádilet 2025 jyldyń qazan aiynyń sońynda shańyraq kótergen. Alaida jas jubailar nebári eki apta ǵana birge otbasylyq ómir súrgen.
Rýslan Ótepbaidyń jazýynsha, 8 qarasha kúni Uldana kúieýine qonjyqtyń sýretin jiberip, onymen qysqasha sóilesken. Keiin kezekti shaqyrtýǵa ketken.
"8 qarasha kúni feldsher Uldana kúieýine qonjyqtyń sýretin jiberip, az-kem sóilesip, vyzovqa shyǵyp ketedi. Ary qarai ne bolǵanyn barlyǵymyz bilemiz", – dep jazdy jýrnalist.
Jariialanǵan video Uldananyń qaiǵyly oqiǵaǵa deiin jubaiymen bolǵan sońǵy hat almasýlarynyń biri retinde kórsetilgen.
