Búginde Nur-Sultan qalasynda úidegi áleýmettik jumys oryndaryn jumys berýshiler olardyń menshik nysanyna qaramastan uiymdastyrylyp keledi. Oǵan tek jalaqy boiynsha merzimi ótken bereshegi joq jáne bir jyldan astam jumys istep turǵan, salyq jáne basqa da áleýmettik aýdarymdardy turaqty júrgizetin jumys berýshiler qatysa alady.⠀⠀
Bul jobaǵa ádettegidei jumyssyzdar, onyń ishinde áleýmettik az qamtylǵan jáne kópbalaly otbasy músheleri, áleýmettik jumys oryndaryna ornalastyrylǵan múgedek balalardy tárbielep otyrǵan tulǵalar qatysa alady.
Azamattardyń eńbekaqysynyń bir bóligin qarjylandyrýdy jumyspen qamtý ortalyǵy sýbsidiialar berý jolymen júzege asyrady. Aita ketýimiz kerek, áleýmettik jumys oryndaryna ornalastyrylǵan azamattardyń jalaqysyna beriletin ai saiynǵy sýbsidiia mólsheri salyqtardy, mindetti áleýmettik aýdarymdardy jáne paidalanylmaǵan eńbek demalysyna ótemaqyny eskere otyryp, sondai-aq ekologiialyq ústemeaqylar boiynsha tólemderdi esepke almaǵanda jalaqy mólsheriniń 35%-yn quraýy qajet.
Biraq tiisti qarjy jylyna arnalǵan respýblikalyq biýdjet týraly zańda aiqyndalǵan eń tómengi jalaqy mólsherinen aspaýy kerek. Tolyq aqparat jáne qajetti qujattar tizimi bar ótinim blankisi ortalyqtyń www.cz.astana.kz resmi saitynda myna bólimderderde ornalastyrylǵan.
Ótinimderdi qabyldaý myna mekenjai boiynsha júzege asyrylady: Nur-Sultan qalasy, Beibitshilik kóshesi, 25, («Órken» BO) 2 qabat, 202/2 kabinet. Anyqtama telefony: 57 89 12.
