«Shevron» kompanıasy men «Aıala» qory birigip uıymdastyrǵan qalalyq mektepter, emhanalar men áleýmettik mekemelerge jabdyqtar satyp alý jáne ornatý sertıfıkattaryn tapsyrý saltanatty rásimi Ereımentaýda ótti. Jıynǵa qala ákimi Tóletaı Muqamedjanov, jergilikti bılik ókilderi, medısına qyzmetkerleri, oqytýshylar men Ereımentaý aýdanynyń jurtshylyǵy qatysty.
«Shevron» kompanıasy men «AIaLA» qory 2013 jyly bastaǵan áleýmettik joba aıasynda bıyl Ereımentaýdaǵy ákimdik saıabaǵynda babalar alańy, Bógenbaı batyr atyndaǵy qazaq orta mektebinde tolyqtaı jabdyqtalǵan hımıa kabıneti ashyldy, sport alańy ornatyldy. Sonymen qatar,
[caption id="attachment_8135" align="alignright" width="300"]
Saltanatty jıyn Ereımentaýda ótti. Sharaǵa qala ákimi Tóletaı Muqamedjanov qatysty.[/caption]
Ortalyq aýdandyq aýrýhanaǵa (OAA), áleýmettik qorǵaý bólimine jáne qalalyq Balalar men jasóspirimder sport mektebine medısınalyq jabdyqtar satylyp alyndy. Budan syrt múmkindikteri shekteýli adamdardyń OAA qabattarynda erkin júrip-turýy úshin kóteretin qurylǵy ornatyldy. «Shevron» kompanıasy Eýrazıa bólimshesiniń basqarýshy dırektorynyń orynbasary Frenk Kassýlo óz kezeginde: «Qazaqstanda jumys istegen alǵashqy kúnderden bastap, «Shevron» respýblıkanyń bilim berý, medısına jáne áleýmettik mekemelerine qoldaý kórsetip keledi. Bizdiń áleýmettik jobamyzdyń aıasynda byltyr aýdannyń 30 jalpy bilim berý mektebine ınteraktıvti taqtalaralyndy; OAA-ǵa zamanaýı ota jasaıtyn qurylǵy ornatyldy jáne Ereımentaý qalasynyń turǵyndaryna 15 múgedekarbasy men arnaıy kerek-jaraqtar tapsyryldy. Biz osy jumysty bolashaqta jalǵastyrýdy josparlap otyrmyz», – dedi.
«Shevron» korporasıasy álemniń jetekshi biriktirilgen energetıkalyq kompanıalarynyń biri jáne Qazaqstandaǵy iri jeke munaı jáne gaz óndirý kompanıasy. Óziniń qyzmet salasyn keńeıte otyra jáne QR Úkimetiniń jańǵyrmaly energıa kózderin damytý bastamasyn qoldaı otyryp, «Shevron» qazirgi tańda Ereımentaý aýdanyndaǵy «Samal» jel parkin qurý jobasyn júzege asyrýda. Korporasıa jyl saıyn Almaty, Astana jáne Atyraý qalalarynyń medısınalyq jáne áleýmettik mekemelerine qajetti medısınalyq dári-dármek, kompúter jáne basqa da jabdyqtar satyp alýǵa kómek qolyn sozady. Bul bastamalar jergilikti jáne ortalyq memlekettik basqarý organdarymen, qaýymdastyqtarmen, úkimettik emes jáne halyqaralyq uıymdarmen seriktestikte júzege asyrylady. Aıta ketelik, birneshe jyl boıy «Shevron» kompanıasy Qazaqstan Respýblıkasynda iri qaıyrymdylyq jobalarymen tanymal «AIaLA» qorymen áriptesip jumys isteýde. Mundaǵy qor qyzmetiniń basty baǵyty balalar medısınalyq jáne bilim berý mekemelerine, ıaǵnı aýrýhana, emhana,perzenthana, demalys úıleri men balalar úıleri, sonymen qatar turmysy nashar balalarǵa arnalǵan ınternattarǵa kómek kórsetý.
Aıaýlym SHAIMARDAN
