«شيەۆرون» كومپانياسى مەن «ايالا» قورى بىرىگىپ ۇيىمداستىرعان قالالىق مەكتەپتەر، ەمحانالار مەن الەۋمەتتىك مەكەمەلەرگە جابدىقتار ساتىپ الۋ جانە ورناتۋ سەرتيفيكاتتارىن تاپسىرۋ سالتاناتتى ءراسىمى ەرەيمەنتاۋدا ءوتتى. جيىنعا قالا اكىمى تولەتاي مۇقامەدجانوۆ، جەرگىلىكتى بيلىك وكىلدەرى، مەديسينا قىزمەتكەرلەرى، وقىتۋشىلار مەن ەرەيمەنتاۋ اۋدانىنىڭ جۇرتشىلىعى قاتىستى.
«شيەۆرون» كومپانياسى مەن «ايالا» قورى 2013 جىلى باستاعان الەۋمەتتىك جوبا اياسىندا بيىل ەرەيمەنتاۋداعى اكىمدىك ساياباعىندا بابالار الاڭى، بوگەنباي باتىر اتىنداعى قازاق ورتا مەكتەبىندە تولىقتاي جابدىقتالعان حيميا كابينەتى اشىلدى، سپورت الاڭى ورناتىلدى. سونىمەن قاتار،
[caption id="attachment_8135" align="alignright" width="300"]
سالتاناتتى جيىن ەرەيمەنتاۋدا ءوتتى. شاراعا قالا اكىمى تولەتاي مۇقامەدجانوۆ قاتىستى.[/caption]
ورتالىق اۋداندىق اۋرۋحاناعا (واا)، الەۋمەتتىك قورعاۋ بولىمىنە جانە قالالىق بالالار مەن جاسوسپىرىمدەر سپورت مەكتەبىنە مەديسينالىق جابدىقتار ساتىلىپ الىندى. بۇدان سىرت مۇمكىندىكتەرى شەكتەۋلى ادامداردىڭ واا قاباتتارىندا ەركىن ءجۇرىپ-تۇرۋى ءۇشىن كوتەرەتىن قۇرىلعى ورناتىلدى. «شيەۆرون» كومپانياسى ەۋرازيا بولىمشەسىنىڭ باسقارۋشى ديرەكتورىنىڭ ورىنباسارى فرەنك كاسسۋلو ءوز كەزەگىندە: «قازاقستاندا جۇمىس ىستەگەن العاشقى كۇندەردەن باستاپ، «شيەۆرون» رەسپۋبليكانىڭ ءبىلىم بەرۋ، مەديسينا جانە الەۋمەتتىك مەكەمەلەرىنە قولداۋ كورسەتىپ كەلەدى. ءبىزدىڭ الەۋمەتتىك جوبامىزدىڭ اياسىندا بىلتىر اۋداننىڭ 30 جالپى ءبىلىم بەرۋ مەكتەبىنە ينتەراكتيۆتى تاقتالارالىندى؛ واا-عا زاماناۋي وتا جاسايتىن قۇرىلعى ورناتىلدى جانە ەرەيمەنتاۋ قالاسىنىڭ تۇرعىندارىنا 15 مۇگەدەكارباسى مەن ارنايى كەرەك-جاراقتار تاپسىرىلدى. ءبىز وسى جۇمىستى بولاشاقتا جالعاستىرۋدى جوسپارلاپ وتىرمىز»، – دەدى.
«شيەۆرون» كورپوراسياسى الەمنىڭ جەتەكشى بىرىكتىرىلگەن ەنەرگەتيكالىق كومپانيالارىنىڭ ءبىرى جانە قازاقستانداعى ءىرى جەكە مۇناي جانە گاز ءوندىرۋ كومپانياسى. ءوزىنىڭ قىزمەت سالاسىن كەڭەيتە وتىرا جانە ق ر ۇكىمەتىنىڭ جاڭعىرمالى ەنەرگيا كوزدەرىن دامىتۋ باستاماسىن قولداي وتىرىپ، «شيەۆرون» قازىرگى تاڭدا ەرەيمەنتاۋ اۋدانىنداعى «سامال» جەل پاركىن قۇرۋ جوباسىن جۇزەگە اسىرۋدا. كورپوراسيا جىل سايىن الماتى، استانا جانە اتىراۋ قالالارىنىڭ مەديسينالىق جانە الەۋمەتتىك مەكەمەلەرىنە قاجەتتى مەديسينالىق دارى-دارمەك، كومپيۋتەر جانە باسقا دا جابدىقتار ساتىپ الۋعا كومەك قولىن سوزادى. بۇل باستامالار جەرگىلىكتى جانە ورتالىق مەملەكەتتىك باسقارۋ ورگاندارىمەن، قاۋىمداستىقتارمەن، ۇكىمەتتىك ەمەس جانە حالىقارالىق ۇيىمدارمەن سەرىكتەستىكتە جۇزەگە اسىرىلادى. ايتا كەتەلىك، بىرنەشە جىل بويى «شيەۆرون» كومپانياسى قازاقستان رەسپۋبليكاسىندا ءىرى قايىرىمدىلىق جوبالارىمەن تانىمال «ايالا» قورىمەن ارىپتەسىپ جۇمىس ىستەۋدە. مۇنداعى قور قىزمەتىنىڭ باستى باعىتى بالالار مەديسينالىق جانە ءبىلىم بەرۋ مەكەمەلەرىنە، ياعني اۋرۋحانا، ەمحانا،پەرزەنتحانا، دەمالىس ۇيلەرى مەن بالالار ۇيلەرى، سونىمەن قاتار تۇرمىسى ناشار بالالارعا ارنالعان ينتەرناتتارعا كومەك كورسەتۋ.
اياۋلىم شايماردان
