– Elbasymyz Nursultan Ábishuly eldiń bolashaǵy bilimdi jastardyń qolynda ekenin únemi aıtyp keledi. Sondaı-aq, memleketimiz óskeleń urpaqtyń sapaly bilim, sanaly tárbıe alýyna barynsha jaǵdaı jasaýda. Mine, búgingi kórinis sonyń aıǵaǵy. Barlyǵyń bilim synaǵynan súrinbeı ótip, joǵary oqý ornyna joldama alyp otyrsyńdar. Endi bilimderińdi shyńdap, bolashaqta óńirimizdiń ósip-órkendeýine úles qosasyńdar dep senemin. Al, shektik deńgeıden ótpegen 104 túlek qalaǵan mamandyqtary boıynsha tehnıkalyq jáne kásiptik bilim berý uıymdaryna aqysyz bilim alý múmkindigine ıe bolady. Osy rette balalarymyzdyń aqysyz negizde oqýyna demeýshilik tanytyp otyrǵan joǵary oqý oryndarynyń basshylaryna alǵys aıtqym keledi, – dedi Janseıit Qanseıituly.
2017-2018 oqý jylynda jetim jáne ata-anasynyń qamqorlyǵynsyz qalǵan 197 bala 11-synypty bitirse, 35-i balalar úıleriniń túlekteri. Onyń 190-y UBT-ǵa qatysyp, 86 oqýshy shektik deńgeıden ótse, 7 túlek jumys isteýge nıet bildirgen. Synaqtan súrinbeı ótken 3 oqýshy elimizdiń basqa óńirlerinde bilim alýǵa sheshim qabyldasa, 44-i memlekettik tapsyrys arqyly, qalǵan 39 mektep bitirýshi oblys aýmaǵynda ornalasqan joǵary oqý oryndarynda bilim alatyn bolady.
Túrkistan oblysy ákiminiń baspasóz qyzmeti
