Almaty qalasy himiia-biologiia baǵytyndaǵy Nazarbaev Ziiatkerlik mektebiniń 12 synyp oqýshysy Saparali Bernarǵa AQSh-tyń Computer Science salasyndaǵy úzdik oqý orny bolyp tabylatyn Norwich University tolyq bilim grantyn usyndy. Ziiatkerlik mekteptiń úzdik oqýshysy álem boiynsha 25 stýdentti ǵana qabyldaityn ýniversitettiń Honor Program baǵdarlamasyna shaqyrtý aldy. Bernar basqa da kórsetkishterimen qosa, arnaiy konkýrstyq irikteýdiń 4 kezeńinen ótip, óz biliktigin dáleldep shyqty.
Saparali Bernardyń bul jetistigi jaratylystaný men matematika ǵylymdary salasynda jinaǵan akademiialyq biliminiń aiqyn nátijesi. Oqýshy fizika páninen jelilik jáne respýblikalyq olimpiadalardyń jeńimpazy, Phystech-International halyqaralyq olimpiada, respýblikalyq olimpiadanyń qola medali, qalalyq Jáýtikov olimpiadasynyń Bas júlde iegeri.
Bolashaq túlek akademiialyq jetistikterimen qatar startap-ideialardy ázirlep áleýmettik ortany jaqsartýǵa baǵyttalǵan ǵylymi-zertteý jobalarynyń avtory bolyp sanalady. Bernardyń qorjynynda- múmkindigi shekteýli adamdarǵa qala boiynsha qozǵalystaryn jeńildetýge arnalǵan "SmartG" mobildik qosymshasy, shamaly kóretinderge kómektesetin "Clever Crutch" innovatsiialyq taiaq jobalary bar. "Clever Crutch" arqyly Bernar jyl saiynǵy "IoT Hackathon" innovatsiialyq ideialar baiqaýynyń Bas júldesimen jobany odan ári damytýǵa arnalǵan aqshalai syiaqyǵa qol jetkizdi.
Saparáli Bernardyń aitýynsha, Norwich Universityge toqtaǵan sebebiniń biri ýniversitet qoldanbaly oqytý úderisimen integratsiialanǵan akademiialyq jáne praktikalyq zertteý tájiribeni qatar usynady.
- Ziiatkerlik mektep muǵalimderime únemi qoldaý kórsetkeni úshin, bilim, zertteý jobalaryndaǵy alǵan tájiribem úshin rizamyn. Maǵan kómektesken, aldyǵa jetelegen daǵdylarymdy men Almaty qalasyndaǵy himiia-biologiia baǵytyndaǵy Ziiatkerlik mekteptiń qabyrǵasynda aldym, - dep aǵynan jaryldy Bernar.
