الماتى قالاسى حيميا-بيولوگيا باعىتىنداعى نازاربايەۆ زياتكەرلىك مەكتەبىنىڭ 12 سىنىپ وقۋشىسى ساپارالي بەرنارعا اقش-تىڭ Computer Science سالاسىنداعى ۇزدىك وقۋ ورنى بولىپ تابىلاتىن Norwich University تولىق ءبىلىم گرانتىن ۇسىندى. زياتكەرلىك مەكتەپتىڭ ۇزدىك وقۋشىسى الەم بويىنشا 25 ستۋدەنتتى عانا قابىلدايتىن ۋنيۆەرسيتەتتىڭ Honor Program باعدارلاماسىنا شاقىرتۋ الدى. بەرنار باسقا دا كورسەتكىشتەرىمەن قوسا، ارنايى كونكۋرستىق ىرىكتەۋدىڭ 4 كەزەڭىنەن ءوتىپ، ءوز بىلىكتىگىن دالەلدەپ شىقتى.
ساپارالي بەرناردىڭ بۇل جەتىستىگى جاراتىلىستانۋ مەن ماتەماتيكا عىلىمدارى سالاسىندا جيناعان اكادەميالىق ءبىلىمىنىڭ ايقىن ناتيجەسى. وقۋشى فيزيكا پانىنەن جەلىلىك جانە رەسپۋبليكالىق وليمپيادالاردىڭ جەڭىمپازى، Phystech-International حالىقارالىق وليمپيادا، رەسپۋبليكالىق وليمپيادانىڭ قولا مەدالى، قالالىق جاۋتىكوۆ وليمپياداسىنىڭ باس جۇلدە يەگەرى.
بولاشاق تۇلەك اكادەميالىق جەتىستىكتەرىمەن قاتار ستارتاپ-يدەيالاردى ازىرلەپ الەۋمەتتىك ورتانى جاقسارتۋعا باعىتتالعان عىلىمي-زەرتتەۋ جوبالارىنىڭ اۆتورى بولىپ سانالادى. بەرناردىڭ قورجىنىندا- مۇمكىندىگى شەكتەۋلى ادامدارعا قالا بويىنشا قوزعالىستارىن جەڭىلدەتۋگە ارنالعان "SmartG" موبيلدىك قوسىمشاسى، شامالى كورەتىندەرگە كومەكتەسەتىن "Clever Crutch" يننوۆاسيالىق تاياق جوبالارى بار. "Clever Crutch" ارقىلى بەرنار جىل سايىنعى "IoT Hackathon" يننوۆاسيالىق يدەيالار بايقاۋىنىڭ باس جۇلدەسىمەن جوبانى ودان ءارى دامىتۋعا ارنالعان اقشالاي سىياقىعا قول جەتكىزدى.
ءساپارالى بەرناردىڭ ايتۋىنشا، Norwich Universityگە توقتاعان سەبەبىنىڭ ءبىرى ۋنيۆەرسيتەت قولدانبالى وقىتۋ ۇدەرىسىمەن ينتەگراسيالانعان اكادەميالىق جانە پراكتيكالىق زەرتتەۋ تاجىريبەنى قاتار ۇسىنادى.
- زياتكەرلىك مەكتەپ مۇعالىمدەرىمە ۇنەمى قولداۋ كورسەتكەنى ءۇشىن، ءبىلىم، زەرتتەۋ جوبالارىنداعى العان تاجىريبەم ءۇشىن ريزامىن. ماعان كومەكتەسكەن، الدىعا جەتەلەگەن داعدىلارىمدى مەن الماتى قالاسىنداعى حيميا-بيولوگيا باعىتىنداعى زياتكەرلىك مەكتەپتىڭ قابىرعاسىندا الدىم، - دەپ اعىنان جارىلدى بەرنار.
