"Izrail áýeden Iranǵa soqqy jasasa munai infraqurylymdary búlinip, "qara altyndy" naryqtarǵa jetkizýde másele týyndaidy. Ol, óz kezeginde baǵanyń qymbattaýyna jol beredi". Sarapshylar aldyn ala osylai boljam jasaǵan. Rasynda, ótken senbide Izrail Iranǵa qarsy zeńbirekterin baǵyttady, alaida, sarapshylar boljaǵan, jaǵdai oryn almady. Sáikesinshe, kerisinshe munai baǵasy quldyrai jóneldi, dep habarlaidy Dalanews.kz.
"Munai baǵalary Taiaý Shyǵystaǵy oqiǵalarǵa bailanysty áli de qubylmaly bolyp tur. Ótken juma qorytyndysy boiynsha birjada Brent markaly munai baǵasy 2,3%-ǵa ósip, bir barreli 76,1 dollarǵa deiin jetti. Bul ósimge Livannyń ońtústigine Izrail jasaǵan soqqy áser etti. Sondai-aq, baǵanyń joǵary bolýyn yntalandyrýshy Qytai tarapynan da úmit bar. QHR biligi 4-8 qarasha aralyǵynda ótetin Búkilqytailyq otyrysta el ekonomikasyn qalpyna keltirý sharalaryn jariialaýy tiis. Sonymen qatar jeksenbide munai baǵasy báribir 4,5%-ǵa tómendep, bir barreli 72,6 dollardy qurady. Óitkeni Izraildiń Iranǵa jasaǵan soqqysynan, aldyn ala kútilgendei,Tegerannyń munai men iadrolyq infraqurylymdary zardap shekken joq, iaǵni munai tasymaly joldary búlinbedi. Nátijesinde energoresýrstardyń baǵasy tómendei bastady", delingen Qazaqstan qarjygerleri qaýymdastyǵy jariialaǵan ekonomikalyq sholýda.
Aita ketsek, 2024 jyldyń 26 qazanyna qaraǵan túni Izrail Iran áskeri nysandaryna áýeden soqqy berdi. Iran prezidenti shabýylǵa jaýap berýge daiyn ekenin málimdedi. Resmi Tegeran Iranǵa Izraildiń shabýyl jasaýyna bailanysty BUU Qaýipsizdik keńesiniń shuǵyl otyrysyn ótkizýdi surady.
