"يزرايل ەۋەدەن يرانعا سوققى جاساسا مۇناي ينفراقۇرىلىمدارى بٷلٸنٸپ, "قارا التىندى" نارىقتارعا جەتكٸزۋدە مەسەلە تۋىندايدى. ول, ٶز كەزەگٸندە باعانىڭ قىمباتتاۋىنا جول بەرەدٸ". ساراپشىلار الدىن الا وسىلاي بولجام جاساعان. راسىندا, ٶتكەن سەنبٸدە يزرايل يرانعا قارسى زەڭبٸرەكتەرٸن باعىتتادى, الايدا, ساراپشىلار بولجاعان, جاعداي ورىن المادى. سەيكەسٸنشە, كەرٸسٸنشە مۇناي باعاسى قۇلدىراي جٶنەلدٸ, دەپ حابارلايدى Dalanews.kz.
"مۇناي باعالارى تاياۋ شىعىستاعى وقيعالارعا بايلانىستى ەلٸ دە قۇبىلمالى بولىپ تۇر. ٶتكەن جۇما قورىتىندىسى بويىنشا بيرجادا Brent ماركالى مۇناي باعاسى 2,3%-عا ٶسٸپ, بٸر باررەلٸ 76,1 دوللارعا دەيٸن جەتتٸ. بۇل ٶسٸمگە ليۆاننىڭ وڭتٷستٸگٸنە يزرايل جاساعان سوققى ەسەر ەتتٸ. سونداي-اق, باعانىڭ جوعارى بولۋىن ىنتالاندىرۋشى قىتاي تاراپىنان دا ٷمٸت بار. قحر بيلٸگٸ 4-8 قاراشا ارالىعىندا ٶتەتٸن بٷكٸلقىتايلىق وتىرىستا ەل ەكونوميكاسىن قالپىنا كەلتٸرۋ شارالارىن جارييالاۋى تيٸس. سونىمەن قاتار جەكسەنبٸدە مۇناي باعاسى بەرٸبٸر 4,5%-عا تٶمەندەپ, بٸر باررەلٸ 72,6 دوللاردى قۇرادى. ٶيتكەنٸ يزرايلدٸڭ يرانعا جاساعان سوققىسىنان, الدىن الا كٷتٸلگەندەي,تەگەراننىڭ مۇناي مەن يادرولىق ينفراقۇرىلىمدارى زارداپ شەككەن جوق, ياعني مۇناي تاسىمالى جولدارى بٷلٸنبەدٸ. نەتيجەسٸندە ەنەرگورەسۋرستاردىڭ باعاسى تٶمەندەي باستادى", دەلٸنگەن قازاقستان قارجىگەرلەرٸ قاۋىمداستىعى جارييالاعان ەكونوميكالىق شولۋدا.
ايتا كەتسەك, 2024 جىلدىڭ 26 قازانىنا قاراعان تٷنٸ يزرايل يران ەسكەري نىساندارىنا ەۋەدەن سوققى بەردٸ. يران پرەزيدەنتٸ شابۋىلعا جاۋاپ بەرۋگە دايىن ەكەنٸن مەلٸمدەدٸ. رەسمي تەگەران يرانعا يزرايلدٸڭ شابۋىل جاساۋىنا بايلانىستى بۇۇ قاۋٸپسٸزدٸك كەڭەسٸنٸڭ شۇعىل وتىرىسىن ٶتكٸزۋدٸ سۇرادى.
