2026 jylǵy 4 maýsymda Ǵylym ordasynda «Qoljazbataný jáne tsifrlyq gýmanitaristika» atty Jazǵy mektep óz jumysyn bastady. Is-shara BR28712621 « Qazaqstannyń qoljazba murasy: reestrleý, restavratsiialaý, ǵylymi katalogtaý, tsifrlandyrý jáne keshendi kodikologiialyq zertteý» baǵdarlamalyq-nysanaly qarjylandyrý jobasy aiasynda uiymdastyryldy, dep habarlaidy dalanews.kz.
Jazǵy mektep 2026 jylǵy 4–10 maýsym aralyǵynda ótedi. Is-shara qoljazbataný, kodikologiia, tsifrlyq gýmanitaristika, jazba muralardy restavratsiialaý men saqtaý salasyndaǵy jetekshi otandyq jáne sheteldik mamandardyń basyn qosady. Qatysýshylar qatarynda Garvard ýniversiteti janyndaǵy Devis atyndaǵy Resei jáne Eýraziia zertteýleri ortalyǵynyń (Davis Center for Russian and Eurasian Studies, Harvard University, AQSh), Tokio shet tilderi ýniversiteti Aziia jáne Afrika tilderi men mádenietterin zertteý institýtynyń (Research Institute for Languages and Cultures of Asia and Africa, Tokyo University of Foreign Studies, Japoniia), Kyrshehir Ahi Evran ýniversitetiniń (Kirşehir Ahi Evran University, Túrkiia), Túrkiianyń qoljazba eskertkishterin basqarý mekemesiniń (Türkiye Yazma Eserler Kurumu Başkanliği, Túrkiia), sondai-aq Indiana ýniversitetiniń (Indiana University, AQSh) ókilderi bar.
Jazǵy mekteptiń alǵashqy kúni shaǵatai tilin oqytýdyń ózekti máseleleri, korpýstyq annotatsiialaý arqyly shaǵatai qoljazbalary men qazaqstandyq ǵylymi muralardy zertteýdi integratsiialaý, Túrkiiada shaǵatai túrik tilin oqytýda qoldanylatyn mátinderdi lingvistikalyq taldaý, sonymen qatar qoljazba qorlarynyń saqtalýyn qamtamasyz etýdiń zamanaýi tásilderi qaraldy. Qatysýshylar OCR/HTR tehnologiialary men zamanaýi tildik modelder negizinde shaǵatai qoljazbalaryn avtomatty túrde tanýǵa arnalǵan jasandy intellekt quraldaryn ázirleý máselesine erekshe nazar aýdardy. Ǵylymi pikirtalastar barysynda qatysýshylar qoljazba murasyn zertteý, sipattaý, tsifrlandyrý jáne saqtaý salalaryndaǵy tájiribelerimen bólisip, halyqaralyq yntymaqtastyq pen birlesken ǵylymi jobalardy iske asyrý perspektivalaryn talqylady.
Jazǵy mektep baǵdarlamasy aiasynda qatysýshylarǵa qoljazbataný, kodikologiia, tsifrlandyrý, restavratsiialaý, konservatsiialaý jáne tsifrlyq gýmanitaristika salalaryndaǵy zamanaýi ǵylymi ádister men halyqaralyq tájiribe usynylady. Baǵdarlama kásibi quzyrettilikti damytýǵa, ǵylymi bailanystardy nyǵaitýǵa jáne jazba muralardy zertteý men saqtaý salasyndaǵy halyqaralyq yntymaqtastyqty keńeitýge baǵyttalǵan dáristerdi, praktikalyq sabaqtar men ǵylymi seminarlardy qamtidy.
