2026 جىلعى 4 ماۋسىمدا عىلىم ورداسىندا «قولجازباتانۋ جەنە تسيفرلىق گۋمانيتاريستيكا» اتتى جازعى مەكتەپ ٶز جۇمىسىن باستادى. ٸس-شارا BR28712621 « قازاقستاننىڭ قولجازبا مۇراسى: رەەسترلەۋ, رەستاۆراتسييالاۋ, عىلىمي كاتالوگتاۋ, تسيفرلاندىرۋ جەنە كەشەندٸ كوديكولوگييالىق زەرتتەۋ» باعدارلامالىق-نىسانالى قارجىلاندىرۋ جوباسى اياسىندا ۇيىمداستىرىلدى, دەپ حابارلايدى dalanews.kz.
جازعى مەكتەپ 2026 جىلعى 4–10 ماۋسىم ارالىعىندا ٶتەدٸ. ٸس-شارا قولجازباتانۋ, كوديكولوگييا, تسيفرلىق گۋمانيتاريستيكا, جازبا مۇرالاردى رەستاۆراتسييالاۋ مەن ساقتاۋ سالاسىنداعى جەتەكشٸ وتاندىق جەنە شەتەلدٸك مامانداردىڭ باسىن قوسادى. قاتىسۋشىلار قاتارىندا گارۆارد ۋنيۆەرسيتەتٸ جانىنداعى دەۆيس اتىنداعى رەسەي جەنە ەۋرازييا زەرتتەۋلەرٸ ورتالىعىنىڭ (Davis Center for Russian and Eurasian Studies, Harvard University, اقش), توكيو شەت تٸلدەرٸ ۋنيۆەرسيتەتٸ ازييا جەنە افريكا تٸلدەرٸ مەن مەدەنيەتتەرٸن زەرتتەۋ ينستيتۋتىنىڭ (Research Institute for Languages and Cultures of Asia and Africa, Tokyo University of Foreign Studies, جاپونييا), كىرشەحير احي ەۆران ۋنيۆەرسيتەتٸنٸڭ (Kırşehir Ahi Evran University, تٷركييا), تٷركييانىڭ قولجازبا ەسكەرتكٸشتەرٸن باسقارۋ مەكەمەسٸنٸڭ (Türkiye Yazma Eserler Kurumu Başkanlığı, تٷركييا), سونداي-اق ينديانا ۋنيۆەرسيتەتٸنٸڭ (Indiana University, اقش) ٶكٸلدەرٸ بار.
جازعى مەكتەپتٸڭ العاشقى كٷنٸ شاعاتاي تٸلٸن وقىتۋدىڭ ٶزەكتٸ مەسەلەلەرٸ, كورپۋستىق اننوتاتسييالاۋ ارقىلى شاعاتاي قولجازبالارى مەن قازاقستاندىق عىلىمي مۇرالاردى زەرتتەۋدٸ ينتەگراتسييالاۋ, تٷركييادا شاعاتاي تٷرٸك تٸلٸن وقىتۋدا قولدانىلاتىن مەتٸندەردٸ لينگۆيستيكالىق تالداۋ, سونىمەن قاتار قولجازبا قورلارىنىڭ ساقتالۋىن قامتاماسىز ەتۋدٸڭ زاماناۋي تەسٸلدەرٸ قارالدى. قاتىسۋشىلار OCR/HTR تەحنولوگييالارى مەن زاماناۋي تٸلدٸك مودەلدەر نەگٸزٸندە شاعاتاي قولجازبالارىن اۆتوماتتى تٷردە تانۋعا ارنالعان جاساندى ينتەللەكت قۇرالدارىن ەزٸرلەۋ مەسەلەسٸنە ەرەكشە نازار اۋداردى. عىلىمي پٸكٸرتالاستار بارىسىندا قاتىسۋشىلار قولجازبا مۇراسىن زەرتتەۋ, سيپاتتاۋ, تسيفرلاندىرۋ جەنە ساقتاۋ سالالارىنداعى تەجٸريبەلەرٸمەن بٶلٸسٸپ, حالىقارالىق ىنتىماقتاستىق پەن بٸرلەسكەن عىلىمي جوبالاردى ٸسكە اسىرۋ پەرسپەكتيۆالارىن تالقىلادى.
جازعى مەكتەپ باعدارلاماسى اياسىندا قاتىسۋشىلارعا قولجازباتانۋ, كوديكولوگييا, تسيفرلاندىرۋ, رەستاۆراتسييالاۋ, كونسەرۆاتسييالاۋ جەنە تسيفرلىق گۋمانيتاريستيكا سالالارىنداعى زاماناۋي عىلىمي ەدٸستەر مەن حالىقارالىق تەجٸريبە ۇسىنىلادى. باعدارلاما كەسٸبي قۇزىرەتتٸلٸكتٸ دامىتۋعا, عىلىمي بايلانىستاردى نىعايتۋعا جەنە جازبا مۇرالاردى زەرتتەۋ مەن ساقتاۋ سالاسىنداعى حالىقارالىق ىنتىماقتاستىقتى كەڭەيتۋگە باعىتتالعان دەرٸستەردٸ, پراكتيكالىق ساباقتار مەن عىلىمي سەمينارلاردى قامتيدى.
