Densaýlyq saqtaý ministrligi Sanitariialyq-epidemiologiialyq baqylaý komiteti hantavirýs infektsiiasynan saqtaný joldaryn eskertti, dep habarlaidy dalanews.kz.
Mamandardyń málimetinshe, hantavirýs - kemirgishterden nemese olardyń bólindilerinen adamǵa juǵatyn qaýipti virýs. Ol adam aǵzasyna shań, sý, taǵam nemese tisteý arqyly enýi múmkin.
Osyǵan bailanysty shetelge shyǵatyn azamattarǵa kemirgishter mekendeitin oryndardan aýlaq bolý, kúmándi azyq-túlik pen sýdy paidalanbaý, sondai-aq, kóshedegi saýda oryndarynda tamaqtanbaý usynyldy.
Sonymen qatar, mamandar jabyq ǵimarattardy jii jeldetip, tazalyq kezinde qolǵap pen maska qoldanýǵa keńes beredi. Adam kóp jinalatyn oryndarda jeke gigiena talaptaryn saqtaýdyń, antiseptik paidalanýdyń mańyzy da aityldy.
Dárigerler sapardan keiin 1-8 apta aralyǵynda dene qyzýy kóterilip, álsizdik, bulshyqet aýrýy, jótel nemese entigý belgileri baiqalsa, dereý meditsinalyq kómekke júginýge shaqyrdy.
