Bul týraly Almaty oblysynyń óńirlik kommýnikatsiialar qyzmeti alańynda ótken baspasóz máslihatynda belgili boldy.
Is-shara Elbasynyń «Bolashaqqa baǵdar: Rýhani jańǵyrý» maqalasy atty baǵdarlamany júzege asyrý maqsatynda ótedi.
Enactus – barsha álemnen jiylǵan komandalarǵa arnalǵan alań. Olar qoǵamǵa áleýmettik, naryqtyq jáne ekologiialyq máselelerdi sheshýge arnalǵan jobalardy júzege asyrady. Osy arqyly jastar tek kásipterin jetildirip, mansapqa qol jetkizip qana qoimai álemdegi jaǵdaidy jaqsartýǵa da óz úlesin qosady.
«Enactus Eurasia» uiymy búgingi kúnge deiin jastardyń bastamasymen 100-den asa jobalardy jolǵa qoiǵan. Qatarynda álemdik, halyqaralyq jáne otandyq ózekti máselelerdi qozǵaǵan taqyryptarda bar. Qazirgi tańda uiymda 36 memlekettiń jastar toby men otandyq 50-ge jýyq joǵarǵy oqý oryndarynyń komandalary múshe.
– Biz qatarymyzǵa kez kelgen ýniversitetter men kolledjderdiń bilimgerlerin qýana qabyldaimyz. Munda komandamen jumys isteýdi, tiimdi sheshim qabyldaý daǵdylaryn, jaýapkershilikti damytýdy úirenedi. Statistikalyq málimetterge sáikes, bizdiń balalardyń shamamen 20% -y sátti kásipker bolsa, qalǵandary jumysqa esh qiyndyqsy ornalasyp jatyr. Belsendi jumys istep júrgen jastardy keibir kompaniialar ózderine jumysqa shaqyrady, – dedi Enactus Kazakhstan-nyń prezidenti A. Erjanova.
Aita keteiik, jastar lageri óz jumysyn tamyz aiynyń 17 kúni bastaidy. Atalǵan shara Almaty oblysy, Talǵar aýdany, Besqainar aýyly Balalar kesheninde ótedi.
Baljan JUMANBEKOVA, Almaty oblysy.
