Marqum feldsher Uldana Myrzýanyń anasy Salima Ershankýlqyzy qyzynyń burynǵy jubaiy Zeinel Ádilettiń qaita otbasyn qurýyna bailanysty málimdeme jasady. Onyń aitýynsha, er adamnyń bul sheshimi jóninde Uldananyń týystaryna aldyn ala eshkim habarlamaǵan, dep jazady dalanews.kz.
Áleýmettik jelide Uldana Myrzýanyń ólimine qatysty tergeý men onyń eks-jubaiynyń araǵa segiz ai salmai úilengeni qyzý talqylanyp jatyr. Osyǵan bailanysty marqumnyń anasy kópshilikten jáne jýrnalisterden túsip jatqan suraqtarǵa jaýap berýge sheshim qabyldaǵanyn aitty.
Salima Ershankýlqyzynyń sózinshe, Zeinel Ádilet te, onyń ata-anasy men týystary da jańa otbasyn qurý týraly sheshimin aityp, marqumnyń jaqyndarynyń aldynan ótpegen.
«Kópshiliktiń suraýy boiynsha aldaryńyzǵa shyǵyp otyrmyn. “Ádilettiń búgingi is-áreketine bailanysty aldaryńyzdan ótti me?” dep surap jatyr. Joq, aldymyzdan ótken joq. Ata-anasy da, úlkenderi de kelgen joq», – dedi ol.
Marqumnyń anasy qyzynyń ólimine qatysty tergeý barysyna da toqtaldy. Onyń málimdeýinshe, qylmystyq is aiasynda Zeinel Ádilet jábirlenýshi retinde tanylǵan. Salima Ershankýlqyzy endi onyń bul mártebeden bas tartýyn talap etip otyr.
