مارقۇم فەلدشەر ۇلدانا مىرزۋانىڭ اناسى ساليما ەرشانكۋلقىزى قىزىنىڭ بۇرىنعى جۇبايى زەينەل ەدٸلەتتٸڭ قايتا وتباسىن قۇرۋىنا بايلانىستى مەلٸمدەمە جاسادى. ونىڭ ايتۋىنشا, ەر ادامنىڭ بۇل شەشٸمٸ جٶنٸندە ۇلدانانىڭ تۋىستارىنا الدىن الا ەشكٸم حابارلاماعان, دەپ جازادى dalanews.kz.
ەلەۋمەتتٸك جەلٸدە ۇلدانا مىرزۋانىڭ ٶلٸمٸنە قاتىستى تەرگەۋ مەن ونىڭ ەكس-جۇبايىنىڭ اراعا سەگٸز اي سالماي ٷيلەنگەنٸ قىزۋ تالقىلانىپ جاتىر. وسىعان بايلانىستى مارقۇمنىڭ اناسى كٶپشٸلٸكتەن جەنە جۋرناليستەردەن تٷسٸپ جاتقان سۇراقتارعا جاۋاپ بەرۋگە شەشٸم قابىلداعانىن ايتتى.
ساليما ەرشانكۋلقىزىنىڭ سٶزٸنشە, زەينەل ەدٸلەت تە, ونىڭ اتا-اناسى مەن تۋىستارى دا جاڭا وتباسىن قۇرۋ تۋرالى شەشٸمٸن ايتىپ, مارقۇمنىڭ جاقىندارىنىڭ الدىنان ٶتپەگەن.
«كٶپشٸلٸكتٸڭ سۇراۋى بويىنشا الدارىڭىزعا شىعىپ وتىرمىن. “ەدٸلەتتٸڭ بٷگٸنگٸ ٸس-ەرەكەتٸنە بايلانىستى الدارىڭىزدان ٶتتٸ مە?” دەپ سۇراپ جاتىر. جوق, الدىمىزدان ٶتكەن جوق. اتا-اناسى دا, ٷلكەندەرٸ دە كەلگەن جوق», – دەدٸ ول.
مارقۇمنىڭ اناسى قىزىنىڭ ٶلٸمٸنە قاتىستى تەرگەۋ بارىسىنا دا توقتالدى. ونىڭ مەلٸمدەۋٸنشە, قىلمىستىق ٸس اياسىندا زەينەل ەدٸلەت جەبٸرلەنۋشٸ رەتٸندە تانىلعان. ساليما ەرشانكۋلقىزى ەندٸ ونىڭ بۇل مەرتەبەدەن باس تارتۋىن تالاپ ەتٸپ وتىر.
