Májilis depýtaty Rinat Zaiytov alaiaqtar máselesin kóterip, aldanǵandar arasynda depýtattar da baryn málimdedi, - dep habarlaidy Dalanews.kz.
Ol depýtattyq saýalyn Bas prokýror Berik Asylovqa joldady. Depýtattyń sózinshe, «onlain alaiaqtyq» saldarynan jańa kezeńge jyldam beiimdelgen «jylpos» alaiaqtar kún saiyn qorǵansyz halyqtyń shotyndaǵy aqshasyn urlap qana qoimai, myńdaǵan adamnyń atyna syrttai nesie rásimdep, onsyz da zorǵa júrgen halyqty zarlatyp otyr.
«Ókinishke qarai, jazyqsyz jem bolǵan jandardyń jaǵdaiyn uǵyp jatqan Úkimet te, bankter de kórinbeidi. Al kóptegen alaiaqtyq jasaý faktilerinde ne bank, ne jergilikti organ ókilderiniń qatysýymen bolǵany dáleldengen. Mysaly, Qaraǵandy qalasynyń jumyspen qamtý jáne áleýmettik qorǵaý basqarmasynyń qyzmetkeri múgedektigi bar, zeinettegi jiyny 90 adamnyń shotyndaǵy aqshany jymqyrǵan, Taldyqorǵan, Astana, Almaty qalalarynda da bank qyzmetkerleriniń azamattardyń jeke málimetine qol jetkizýge kómekteskeni jóninde faktiler anyqtalǵan», — dedi ol.
Rinat Zaiytov mynadai statistika keltirdi:
Biyl qańtar, aqpan ailarynyń ózinde ǵana kiberalaiaqtyqpen bank qyzmetkerlerine qatysty QR Qylmystyq Kodeksiniń 250-baby (Ókilettikterdi teris paidalaný )boiynsha 15 is, al QR Qylmystyq Kodeksiniń 254-baby (Mindetterine adal qaramaý) boiynsha 17 is qozǵalǵan.
«Bir túsiniksizi bul kiberqylmystan qorǵaýǵa, azamattardyń shottarynyń qaýipsizdigin saqtaýǵa mindetti bankterge eshqandai jaýapkershilik júktelmegen. Osy ádiletti me? Biz olai oilamaimyz. Aqylǵa salsaq, alaiaqqa jem bolyp, bankke saqtaǵan aqshasynan airylyp, moinyna joq jerden nesie júktelip, jyǵylǵan jandarǵa judyryq bolyp bankter olardyń shottaryn da buǵattaidy. Bul – halyqqa jasalǵan orynsyz qiianat qoi. …Men aitqan Qaraǵandyda aldanǵandardyń bireýi osy Májilis zalynda depýtat bolyp otyr.
Sál qinalsa memleketten milliardtap qarjyny qaitarymsyz alatyn oiyna kelgen paiyzdyń ólshemin taǵaiyndap, óz qatelikterine jaýap berýden jaltaratyn qairymsyz bankter qashanǵa deiin tairandamaq? Naqaqtan naqaq qaryzǵa batqan halyqty qorǵaityn ýaqyt keldiǵoi. Ata zańymyz boiynsha memlekettiń basty bailyǵy Bank emes, «Halyq» ekenin esińizge salaiyn», — dep ashyndy ol.
Rinat Zaiytov mynadai usynystar jasady:
