– Qalanyń aýdandary men eldi mekenderiniń turǵyndarymen kezdesýim jalǵasyp jatyr. Árbir eldimekenniń ózine tán kúrdeli ári júieli problemalary bar. «Temirjolshylar» eldi mekeniniń turǵyndarymen kezdesýde elektr, sýmen jabdyqtaý, káriz, joldar men trotýarlar salý, qosymsha marshrýttardy iske qosý, internet tartý syndy ózekti máselelerdi talqaladyq, – dedi qala basshysy.
Qazirgi tańda Temirjolshylar eldi mekeninde elektr energiiasy ózekti máselelerdiń biri. Osyǵan deiin Qazbek qosalqy stantsiiasy boiynsha jumys bastalǵan bolatyn.
– Jobaǵa engiziletin túzetýdi jazda aiaqtap, kelesi jyly qosalqy elektr stantsiiasynyń qurylysyn tolyǵymen aiaqtaýdy josparlap otyrmyz. Sý qysymy boiynsha – halyqtyń ósimin eskerip, qalada qosymsha sý kólemine qajettilik bar. Jańa aýyz sý stantsiiasynyń qurylysy qazir aiaqtalý satysynda tur. Mamyr aiynda iske qosylady, al SSS-3 tamyz aiyna deiin tolyq qýatta jumys isteý tártibine kóshedi. Osylaisha, sý máselesi tek eldi mekende ǵana emes, búkil qala boiynsha sheshiledi, – dep Astana qalasy ákimi oiyn ortaǵa saldy.
Sol siiaqty kezdesýde meditsina mamandaryn tartý máselesi de kóterilgenin aita ketýimiz kerek. Budan basqa biyl eld imekende dene shynyqtyrý-saýyqtyrý kesheniniń qurylysy aiaqtalady. Onyń bazasynda sporttyq jáne shyǵarmashylyq úiirmeler ashylmaqshy.
Jazda Astana qalasyna kezeń-kezeńimen jańa avtobýstar jetkizile bastaidy. Biyl 500-ge tarta avtobýs (onyń ishinde jeke investorlardy jumyldyrý eskeriledi) jetkizýdi josparlanýda. Osylaisha turǵyndarynyń avtobýsty kútý ýaqyty meiilinshe qysqartyn bolady.
