Almaty qalasy Máslihatynyń aldaǵy sessiiasynda 2025-2027 jyldarǵa arnalǵan biýdjettiń tiisti jobasyn qarap, aldaǵy ýaqytta mańyzdy baǵyt qala turǵyndaryn áleýmettik qoldaý bolyp qala beretinin alǵa tartty, – dep habarlaidy Dalanews.kz Almaty qalasy Máslihattyń baspasóz qyzmetine silteme jasap.
Máslihat depýtattary qalalyq biýdjettiń negizgi baǵyttardyń biri qala turǵyndaryn áleýmettik qoldaý bolyp qala beretinin ashyp aitty. Osylaisha, qalanyń jańa biýdjet qarajatynyń bir bóligi áleýmettik baǵdarlamalardy iske asyrýǵa jáne inkliýzivti qalalyq ortany qurýǵa baǵyttalatyn bolady.
Óz kezeginde máslihat depýtattary Almatyda «Invataksi» qyzmetine úlken suranysqa ie kenin eskerip, aldaǵy ýaqytta avtokólikterdiń sany 130-ǵa deiin ulǵaityp, qaladaǵy 2,7 myńnan astam múmúmkindigi shekteýli turǵyndardy kólik qyzmetterimen qamtamasyz etýdi kózdep otyr. Búginde ai saiyn «Invataksi» arqyly 30 myńnan astam qyzmet kórsetiledi.
Budan basqa, Almaty ákimi Erbolat Dosaevtyń tapsyrmasy boiynsha 2025 jylǵy 1 sáýirge deiin «Investitsiia ornyna tarif» baǵdarlamasy sheńberinde azamattardyń segiz sanaty úshin ótemaqy tóleý jalǵasady, bul kommýnaldyq qyzmetter tarifteriniń ósýin óteýge múmkindik beredi.
Almatyda 2025 jyldan bastap jumysqa ornalastyrýdyń barlyq kezeńderinde – bos oryn izdeýden bastap jumys ornynda beiimdelýge deiin múgedek adamdardy qoldaýǵa baǵyttalǵan jańa Jobcoach jobasy iske qosylýda.
Joba Berlindegi tabysty jumys tájiribesine negizdelgen jáne qyzmetkerler men jumys berýshilerge kómektesetin arnaiy oqytylǵan tálimgerlerdiń jumysyn qamtidy. 2025 jyly 300 adamǵa deiin jumyspen qamtý josparlanýda.
Kedergisiz orta qurý mańyzdy baǵyt bolyp qala beredi. 2025 jyly turǵyn úilerdi, qoǵamdyq keńistikterdi, trotýarlar men aialdama keshenderin qosa alǵanda 32,5 myń nysandy pasporttaý jáne qalanyń 1,5 myń infraqurylym nysandaryn beiimdeý josparlanýda.
