Sınoptıkter el aýmaǵynda aldaǵy kúnderi aýa raıy jylyna bastaıtynyn málimdedi, dep habarlaıdy Dalanews.kz.

Elordada aldaǵy úsh kúnde kún bultty bolǵanymen, jaýyn-shashyn kútilmeıdi. 18 naýryzǵa qaraǵan túni aýa temperatýrasy -7…-9 gradýs shamasynda bolsa, kúndiz +3…+5 gradýsqa deıin kóteriledi. 19 naýryzda da aıtarlyqtaı ózgeris bolmaıdy. Túnde -5…-7, kúndiz +3…+5 gradýs. Al 20 naýryzda kún jylyp, túngi temperatýra -2…-4 gradýsqa deıin jumsarady, kúndiz +5…+7 gradýsqa deıin kóteriledi. Keıbir aýmaqtarda tuman túsip, kóktaıǵaq bolýy yqtımal.

Al Almatyda 18 naýryz kúni túnde +1…+3 gradýs bolsa, kúndiz aýa +11…+13 gradýsqa deıin jylıdy. 19 naýryzda kúndizgi temperatýra +13…+15 gradýsqa jetedi. 20 naýryzda jyly aýa raıy saqtalyp, +14…+16 gradýsqa deıin kóteriledi. Tańerteńgi ýaqytta tuman bolýy múmkin.