Aldaǵy kúnderi -37 gradýsqa deiin sýyq bolady, dep habarlaidy Dalanews.kz.
Elimizdiń basym bóliginde tsiklon men atmosferalyq fronttardyń áserinen ártúrli qarqyndylyqtaǵy jaýyn-shashyn bolady. Soltústik jáne shyǵys óńirlerde qar jaýyp, kei ýaqyttarda qalyń qar túsedi. Ońtústik oblystarda jaýyn-shashyn negizinen jańbyr túrinde boljanady. Sondai-aq ekpindi jel kúsheiip, boran soǵady, kóktaiǵaq pen tuman qubylystary baiqalady.
Tsiklonnan keiin Batys Sibir jazyǵy aýdandarynan antitsiklon batys óńirlerge yǵysady. Sonyń áserinen jaýyn-shashyn toqtap, aýa temperatýrasy tómendeidi. Túngi ýaqytta batys oblystarda aýa temperatýrasy 10–22 gradýs aiazǵa deiin, soltústik oblystarda 17–25 gradýs aiazǵa deiin, al ońtústik oblystarda 0–8 gradýs aiazǵa deiin tómendeidi.
23 aqpannan bastap soltústik-batysta, 24 aqpannan bastap soltústik, shyǵys jáne ortalyq óńirlerde aýa temperatýrasynyń kúrt tómendeýi boljanady. Kei jerlerde 25–37 gradýsqa deiin aiaz kútiledi.
