Qujatta qyzmetkerlerge bank baǵdarlamalary boiynsha konsýltatsiialyq qyzmetter kórsetý, sondai-aq turǵyn úi qurylysy jinaqtary týraly sharttar jasasý jónindegi normalar jazylǵan.
Endi Nur-Sultan qalasynyń biýdjettik sala qyzmetkerlerine QTQJB-daǵy óz depozitterin avtomatty túrde tolyqtyryp, turǵyn úi satyp alý úshin bastapqy qarjyny tez jinaqtai alady.
Elorda ákimi memleket basshysynyń kelesi jyldan bastap qoljetimdi turǵyn úi kólemin 3 esege arttyrýdy tapsyrǵanyn atap, sol rette tiisti sharalar iske asyrylatynyn tilge tiek etti.
– Turǵyn úi qurylys jinaq bankimen, dárigerler, muǵalimder, áleýmettik qyzmetkerler birlese otyryp úlken jumys atqaramyz», - dep atap ótti A.Kólginov.
Óz kezeginde «Qazaqstannyń turǵyn úi qurylys jinaq banki» AQ basqarma tóraǵasy Lázzat Ibragimova jinaqtaýshy azamattyń shotty jalaqy esebinen aýdarý múmkindigine toqtalyp ótti.
– TQJB-daǵy shotta únemi qarajat jinaqtaý mańyzdy. Úderisti jedeldetý úshin qala ákimdigimen birlesip qarajat jinaqtaýdy engizemiz. Ol úshin uiymnyń býhgalteriiasyna baryp, TQJB-daǵy jinaq shotyna qajetti somany ai saiyn aýdarý týraly ótinish jazý qajet, – dedi basqarma tóraǵasy.
Sondai-aq, atalmysh protsess býhgalterler úshin de tiimdi. Olar resmi túrde turǵyn úi qurylys jinaq bankiniń seriktes-keńesshileri bolyp tanylyp, óz jumysy úshin aqy alady.
Mysaly, kompaniia býhgalteri uzaq merzimdi 10 tapsyrma jasasa, onyń negizgi jalaqysyna qosa 5 000 teńge túsedi. Qazirgi kezde Nur-Sultanda turǵyn úi qurylys jinaq bankiniń 208 myńnan astam salymshysy bar. Turǵyn úi qurylys jinaq júiesi Bank klientterine 3,5%-dan 5%-ǵa deiingi stavka boiynsha turǵyn úi satyp alýǵa nesie alýǵa múmkindik beredi.
2019 jyly Nur-Sultan qalasynyń 9,5 myńnan astam turǵyny óz turǵyn úiin satyp alýǵa nesie aldy, al 51 myń turǵyn depozit ashty.
