Aldaǵy jyldan bastap Maqtaaralda úsh aýysymdy mektep bolmaidy
Jiynda Elbasymyz N.Á.Nazarbaevtyń «Qazaqstandyqtardyń ál-aýhatynyń ósýi: tabys pen turmys sapasyn arttyrý» atty Joldaýyn jergilikti jerde júzege asyrý barysy talqylandy. Eń alǵash baiandama jasaǵan aýdan ákiminiń orynbasary Altyn Eshanqulova Joldaýda kórsetilgen mejeler boiynsha aýdanda atqarylatyn jumystardy atap kórsetti.
– Statistikanyń deregi boiynsha, elimizde eń tómengi ortasha jalaqy Túrkistan oblysynda ekeni anyqtalǵan. Joldaýdyń arqasynda myńdaǵan maqtaaraldyqtardyń jalaqysy kóteriletin boldy. Ustazdar qaýymynyń mártebesin kóterýdi de biz qolǵa alamyz. Maqtaaral aýdanyndaǵy 56 bilim berý uiasynda 4 myńǵa jýyq ustazdar qaýymy qyzmet etedi. Biz Elbasymyzdyń bul tapsyrmasyn qoldai otyryp, eń bedeldi mamandyq sanalatyn muǵalimderdiń tek qana bilimmen ainalysýyna jaǵdai jasaityn bolamyz. Qazirgi tańda Maqtaaral aýdanynda 3 aýysymmen oqityn 1 ǵana mektep bar. Iirjar aýyldyq okrýgi, Diqan aýylynda ornalasqan 600 oryndyq Qajymuqan atyndaǵy jalpy orta mekteptiń ǵimaraty osy jyldyń jeltoqsan aiynda paidalanýǵa beriledi dep kútilýde. Osylaisha Maqtaaral aýdanynda 3 aýysymmen oqityn mektepter múlde bolmaidy. Biz jyl saiyn 4-5 mektep salý arqyly aldaǵy ýaqytta 2 aýysymmen oqityn mektepterdiń de sanyn azaitý úshin jumys isteimiz. Elbasymyz: «2019 jyldy «Jastar jyly» dep ataýdy usynamyn! – dedi. Bul – eń jaqsy usynys boldy. Maqtaaral aýdanynda 14 pen 29 jas aralyǵyndaǵy 36 myńǵa jýyq jastarymyz bar. Eldiń naǵyz qozǵaýshy kúshin sanalatyn bul topqa qoldaý kórsetý – Elbasymyzdyń naǵyz kóregendiligi. Biz Prezidentimizdiń jastar saiasaty boiynsha aitqan tapsyrmalaryn jergilikti jerde júrgize otyryp, maqtaaraldyq jastardyń áleýmettik jaǵdaiyn kóterýge kúsh salamyz» - dedi Altyn Kúntýqyzy.
Sonymen qatar, A.Eshanqulova aýdanda tirkelgen 200-den asa sport nysandarynyń esigi turǵyndar úshin aiqara ashyq ekendigin, qazirgi tańda turǵyndardyń 27%-y buqaralyq sportpen ainalysatyndyǵyn jetkizdi. Joldaýǵa sáikes, kieli Maqtaaral aýdany aldaǵy ýaqytta aq altyndy shikizat kúiinde ǵana satpai odan daiyn ónim jasaý úshin investitsiia quiylatyndyǵyn da atap ótti.
Kelesi sózge shyqqan «Qazaq maqta sharýashylyǵy» ǵylymi zertteý institýtynyń direktory Ibadýlla Úmbetaev Joldaýda aitylǵan aýyl sharýashylyǵy salasyna qatysty máselelerge toqtaldy. Aýyl sharýashylyǵynda qoldanylyp jatqan jahandyq ozyq tehnologiialar men tehnikalardy endirý – Maqtaaral aýdanynyń basty mindeti bolýy kerektigin aitty.
Jiyn barysynda jarys sózge mektep direktorlary men ártúrli ult ókilderi shyǵyp, Joldaýdaǵy tapsyrmalardy jergilikti jerde oryndaý úshin kúsh biriktirý kerektigin sóz etti. Aýdan ákimi B.Asanov konferentsiiany qorytyndylap, Elbasynyń Joldaýy jańadan qurylǵan Maqtaaral aýdanyynń baǵyt-baǵdaryn aiyqyndap bergenin sózge tiek etti.
Maqtaaral aýdany ákiminiń baspasóz qyzmeti
