جيىندا ەلباسىمىز ن.ءا.نازاربايەۆتىڭ «قازاقستاندىقتاردىڭ ءال-اۋحاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىن جەرگىلىكتى جەردە جۇزەگە اسىرۋ بارىسى تالقىلاندى. ەڭ العاش بايانداما جاساعان اۋدان اكىمىنىڭ ورىنباسارى التىن ەشانقۇلوۆا جولداۋدا كورسەتىلگەن مەجەلەر بويىنشا اۋداندا اتقارىلاتىن جۇمىستاردى اتاپ كورسەتتى.
– ستاتيستيكانىڭ دەرەگى بويىنشا، ەلىمىزدە ەڭ تومەنگى ورتاشا جالاقى تۇركىستان وبلىسىندا ەكەنى انىقتالعان. جولداۋدىڭ ارقاسىندا مىڭداعان ماقتاارالدىقتاردىڭ جالاقىسى كوتەرىلەتىن بولدى. ۇستازدار قاۋىمىنىڭ مارتەبەسىن كوتەرۋدى دە ءبىز قولعا الامىز. ماقتاارال اۋدانىنداعى 56 ءبىلىم بەرۋ ۇياسىندا 4 مىڭعا جۋىق ۇستازدار قاۋىمى قىزمەت ەتەدى. ءبىز ەلباسىمىزدىڭ بۇل تاپسىرماسىن قولداي وتىرىپ، ەڭ بەدەلدى ماماندىق سانالاتىن مۇعالىمدەردىڭ تەك قانا بىلىممەن اينالىسۋىنا جاعداي جاسايتىن بولامىز. قازىرگى تاڭدا ماقتاارال اۋدانىندا 3 اۋىسىممەن وقيتىن 1 عانا مەكتەپ بار. ءيىرجار اۋىلدىق وكرۋگى، ديقان اۋىلىندا ورنالاسقان 600 ورىندىق قاجىمۇقان اتىنداعى جالپى ورتا مەكتەپتىڭ عيماراتى وسى جىلدىڭ جەلتوقسان ايىندا پايدالانۋعا بەرىلەدى دەپ كۇتىلۋدە. وسىلايشا ماقتاارال اۋدانىندا 3 اۋىسىممەن وقيتىن مەكتەپتەر مۇلدە بولمايدى. ءبىز جىل سايىن 4-5 مەكتەپ سالۋ ارقىلى الداعى ۋاقىتتا 2 اۋىسىممەن وقيتىن مەكتەپتەردىڭ دە سانىن ازايتۋ ءۇشىن جۇمىس ىستەيمىز. ەلباسىمىز: «2019 جىلدى «جاستار جىلى» دەپ اتاۋدى ۇسىنامىن! – دەدى. بۇل – ەڭ جاقسى ۇسىنىس بولدى. ماقتاارال اۋدانىندا 14 پەن 29 جاس ارالىعىنداعى 36 مىڭعا جۋىق جاستارىمىز بار. ەلدىڭ ناعىز قوزعاۋشى كۇشىن سانالاتىن بۇل توپقا قولداۋ كورسەتۋ – ەلباسىمىزدىڭ ناعىز كورەگەندىلىگى. ءبىز پرەزيدەنتىمىزدىڭ جاستار ساياساتى بويىنشا ايتقان تاپسىرمالارىن جەرگىلىكتى جەردە جۇرگىزە وتىرىپ، ماقتاارالدىق جاستاردىڭ الەۋمەتتىك جاعدايىن كوتەرۋگە كۇش سالامىز» - دەدى التىن كۇنتۋ قىزى.
سونىمەن قاتار، ا.ەشانقۇلوۆا اۋداندا تىركەلگەن 200-دەن اسا سپورت نىساندارىنىڭ ەسىگى تۇرعىندار ءۇشىن ايقارا اشىق ەكەندىگىن، قازىرگى تاڭدا تۇرعىنداردىڭ 27%-ى بۇقارالىق سپورتپەن اينالىساتىندىعىن جەتكىزدى. جولداۋعا سايكەس، كيەلى ماقتاارال اۋدانى الداعى ۋاقىتتا اق التىندى شيكىزات كۇيىندە عانا ساتپاي ودان دايىن ءونىم جاساۋ ءۇشىن ينۆەستيسيا قۇيىلاتىندىعىن دا اتاپ ءوتتى.
كەلەسى سوزگە شىققان «قازاق ماقتا شارۋاشىلىعى» عىلىمي زەرتتەۋ ينستيتۋتىنىڭ ديرەكتورى يبادۋللا ۇمبەتايەۆ جولداۋدا ايتىلعان اۋىل شارۋاشىلىعى سالاسىنا قاتىستى ماسەلەلەرگە توقتالدى. اۋىل شارۋاشىلىعىندا قولدانىلىپ جاتقان جاھاندىق وزىق تەحنولوگيالار مەن تەحنيكالاردى ەندىرۋ – ماقتاارال اۋدانىنىڭ باستى مىندەتى بولۋى كەرەكتىگىن ايتتى.
جيىن بارىسىندا جارىس سوزگە مەكتەپ ديرەكتورلارى مەن ءارتۇرلى ۇلت وكىلدەرى شىعىپ، جولداۋداعى تاپسىرمالاردى جەرگىلىكتى جەردە ورىنداۋ ءۇشىن كۇش بىرىكتىرۋ كەرەكتىگىن ءسوز ەتتى. اۋدان اكىمى ب.اسانوۆ كونفەرەنسيانى قورىتىندىلاپ، ەلباسىنىڭ جولداۋى جاڭادان قۇرىلعان ماقتاارال اۋدانىىنڭ باعىت-باعدارىن ايىقىنداپ بەرگەنىن سوزگە تيەك ەتتى.
ماقتاارال اۋدانى اكىمىنىڭ باسپا ءسوز قىزمەتى
