Ekologiia vitse-ministri Nurken Shárbiev Úkimet otyrysynda astyq jinaý barysyna qatysty bir aptaǵa arnalǵan aýa raiy boljamyn tanystyrdy. Ol sinoptikterdiń boljamy boiynsha qyrkúiek aiynyń 23-inen 30-yna deiingi aralyqta elimizdiń astyq egetin aimaqtarynda aýa raiy egin jinaýǵa jaisyz bolatynyn aitty, dep habarlaidy Dalanews.kz.
Qostanai, Aqmola, Soltústik Qazaqstan oblystarynyń basym bóliginde osy kezeń boiy jańbyr jaýady. Aqtóbe oblysynda 26-30 qyrkúiek aralyǵy, Batys Qazaqstan oblysynda 25-29 qyrkúiek aralyǵy, Qaraǵandy, Ulytaý oblystarynda 27-30 qyrkúiek aralyǵy jaýyn-shashyndy bolady.
Pavlodar oblysynda qyrkúiektiń 23-25-i jáne 28-30-y aralyǵynda jańbyr jaýady. Elimizdiń shyǵysynda qyrkúiektiń 23-24-i, 29-30-y jańbyr jaýady. Jaýyn-shashyn kúnderi qatty jel bolady. 23-30 qyrkúiek aralyǵynda kúndiz de, túnde de aýa temperatýra birtindep tómendep, túngi ýaqytta qyraý túsýi múmkin.
Qazanda elimizdiń basym bóliginde ortasha ailyq aýa temperatýrasy qalypty deńgeide bolady. Al batysta, ońtústik-batysta jáne ońtústik bólikte ádettegiden jyly bolady.
"Elimizdiń batys, soltústik, shyǵys jáne ońtústik-shyǵystaǵy taýly óńirlerinde bir ai boiy jii jaýyn-shashyn túsýi yqtimal. Aitylǵan boljamdardy eskere otyryp, astyq jinaýǵa qolaily kezeńderdi tiimdi paidalaný qajet dep esepteimiz",- dedi Nurken Shárbiev.
