Qaraǵandy oblysy politsiia departamentiniń tergeý basqarmasy 31 jastaǵy áielge qatysty asa iri kólemdegi alaiaqtyq faktileri boiynsha tergeýdi aiaqtady. Tergeý derekterine sáikes, kúdikti 1,5 jyl boiy ózin Ulttyq banktiń qyzmetkeri retinde tanystyryp, azamattarǵa nesielerin merziminen buryn jabýǵa kómektesemin dep ýáde bergen. Alaida bul ýádelerdiń astarynda alaiaqtyq shema turǵany anyqtaldy, dep habarlaidy Dalanews.kz.
Áiel adam turǵyndardyń senimine kirip, jalǵan qyzmet usyný arqyly olardyń atynan ekinshi deńgeili bankterden birneshe nesie rásimdegen. Nátijesinde 98 epizod boiynsha alaiaqtyq deregi tirkelip, keltirilgen jalpy shyǵyn kólemi 200 million teńgeden asyp ketken.
"Jedel-tergeý tobynyń úilesimdi jumysy nátijesinde bultartpas aiǵaqtar jinalyp, qazirgi tańda qylmystyq is sotqa joldanýǵa daiyndalýda. Kúdiktige qatysty bultartpaý sharasy retinde úi qamaq túri tańdalǵan", delingen politsiia habarlamasynda.
Politsiia el azamattaryna kelesidei eskertýlerdi jasaidy:
- Qarjy qyzmetteri boiynsha usynystar túsken jaǵdaida, aqparatty tek resmi derekkózderden tekserińizder;
- Ózin bank ne ózge qarjy uiymynyń ókili retinde tanystyratyn tulǵalarǵa saqtyqpen qarańyzdar;
- Aldyn ala tólem talap etetin qyzmetterge senbeńizder;
- Kúmándi jaǵdailar týyndasa, birden politsiiaǵa júginińizder.
Tártip saqshylary alaiaqtyqtyń aldyn alý azamattardyń óz qaýipsizdigine jaýapkershilikpen qaraýy men quqyq qorǵaý organdarymen birlesip áreket etýine tikelei bailanysty ekenin eskertedi.
Buǵan deiin saitmyzda Qarjy naryǵyn retteý jáne damytý agenttigi óreskel buzýshylyqtardy birden 11 bankten anyqtaǵanyn jazǵanbyz. Basy daýǵa qalǵan otandyq bankterdiń qandai buzýshylyqtarǵa jol bergeni ashyp aitylmaidy, biraq tuspal jasalady.
