قاراعاندى وبلىسى پوليتسييا دەپارتامەنتٸنٸڭ تەرگەۋ باسقارماسى 31 جاستاعى ەيەلگە قاتىستى اسا ٸرٸ كٶلەمدەگٸ الاياقتىق فاكتٸلەرٸ بويىنشا تەرگەۋدٸ اياقتادى. تەرگەۋ دەرەكتەرٸنە سەيكەس, كٷدٸكتٸ 1,5 جىل بويى ٶزٸن ۇلتتىق بانكتٸڭ قىزمەتكەرٸ رەتٸندە تانىستىرىپ, ازاماتتارعا نەسيەلەرٸن مەرزٸمٸنەن بۇرىن جابۋعا كٶمەكتەسەمٸن دەپ ۋەدە بەرگەن. الايدا بۇل ۋەدەلەردٸڭ استارىندا الاياقتىق سحەما تۇرعانى انىقتالدى, دەپ حابارلايدى Dalanews.kz.
ەيەل ادام تۇرعىنداردىڭ سەنٸمٸنە كٸرٸپ, جالعان قىزمەت ۇسىنۋ ارقىلى ولاردىڭ اتىنان ەكٸنشٸ دەڭگەيلٸ بانكتەردەن بٸرنەشە نەسيە رەسٸمدەگەن. نەتيجەسٸندە 98 ەپيزود بويىنشا الاياقتىق دەرەگٸ تٸركەلٸپ, كەلتٸرٸلگەن جالپى شىعىن كٶلەمٸ 200 ميلليون تەڭگەدەن اسىپ كەتكەن.
"جەدەل-تەرگەۋ توبىنىڭ ٷيلەسٸمدٸ جۇمىسى نەتيجەسٸندە بۇلتارتپاس ايعاقتار جينالىپ, قازٸرگٸ تاڭدا قىلمىستىق ٸس سوتقا جولدانۋعا دايىندالۋدا. كٷدٸكتٸگە قاتىستى بۇلتارتپاۋ شاراسى رەتٸندە ٷي قاماق تٷرٸ تاڭدالعان", دەلٸنگەن پوليتسييا حابارلاماسىندا.
پوليتسييا ەل ازاماتتارىنا كەلەسٸدەي ەسكەرتۋلەردٸ جاسايدى:
- قارجى قىزمەتتەرٸ بويىنشا ۇسىنىستار تٷسكەن جاعدايدا, اقپاراتتى تەك رەسمي دەرەككٶزدەردەن تەكسەرٸڭٸزدەر;
- ٶزٸن بانك نە ٶزگە قارجى ۇيىمىنىڭ ٶكٸلٸ رەتٸندە تانىستىراتىن تۇلعالارعا ساقتىقپەن قاراڭىزدار;
- الدىن الا تٶلەم تالاپ ەتەتٸن قىزمەتتەرگە سەنبەڭٸزدەر;
- كٷمەندٸ جاعدايلار تۋىنداسا, بٸردەن پوليتسيياعا جٷگٸنٸڭٸزدەر.
تەرتٸپ ساقشىلارى الاياقتىقتىڭ الدىن الۋ ازاماتتاردىڭ ٶز قاۋٸپسٸزدٸگٸنە جاۋاپكەرشٸلٸكپەن قاراۋى مەن قۇقىق قورعاۋ ورگاندارىمەن بٸرلەسٸپ ەرەكەت ەتۋٸنە تٸكەلەي بايلانىستى ەكەنٸن ەسكەرتەدٸ.
بۇعان دەيٸن سايتمىزدا قارجى نارىعىن رەتتەۋ جەنە دامىتۋ اگەنتتٸگٸ ٶرەسكەل بۇزۋشىلىقتاردى بٸردەن 11 بانكتەن انىقتاعانىن جازعانبىز. باسى داۋعا قالعان وتاندىق بانكتەردٸڭ قانداي بۇزۋشىلىقتارعا جول بەرگەنٸ اشىپ ايتىلمايدى, بٸراق تۇسپال جاسالادى.
