Alaiaqtar WhatsApp akkaýnttaryn kózge túspei basyp alýdyń jańa ádisin qoldana bastady. Bul tásil GhostPairing dep atalady, dep habarlaidy Dalanews.kz.
Mamandardyń aitýynsha, jańa shema SIM-kartany aýystyrýdy, akkaýntty buzýdy nemese kúrdeli tehnikalyq áreketterdi qajet etpeidi. Akkaýntty basyp alý WhatsApp-ta qosymsha qurylǵylardy tirkeý arqyly júzege asady.
Qalai aldaidy?
Alaiaqtar WhatsApp nemese Facebook atynan habarlama jiberip, silteme usynady. Ol silteme jalǵan saitqa aparady. Onda «qoljetimdilikti rastaý» degen syltaýmen paidalanýshydan telefon nómiri men rastaý kody suralady.
Eger adam osy kodty engizse, akkaýntty óz erkimen bergen bolyp sanalady. Osydan keiin qaskóiler hat-habarlamalardyń bárine tolyq qol jetkizip, uzaq ýaqyt boiy baiqalmai otyrýy múmkin.
Akkaýnttyń buzylǵanyn qalai bilýge bolady?
Akkaýnttyń buzylǵan-buzylmaǵanyn tekserýdiń jalǵyz joly – WhatsApp-taǵy «Bailanystyrylǵan qurylǵylar» bólimin qaraý kerek. Eger ol jerde ózińizge belgisiz qurylǵy kórsetilse, akkaýnt qaýipke ushyraǵan degen sóz.
Ne este saqtaý kerek?
Osyǵan bailanysty sarapshylar eskertý jasady:
- WhatsApp eshqashan rastaý kodyn sait, habarlama nemese qońyraý arqyly suramaidy;
- Qoldanbadan tys jerde kod engizý – 100% alaiaqtyq;
- Bul jeke derekter men aqsha joǵaltý qaýpin arttyrady.
- Mamandar paidalanýshylardy saq bolýǵa jáne kúmándi siltemelerge ótpeýge shaqyrady.
