Jetisý oblysynda 40 mln teńgeden astam sommaǵa nesieler rásimdegen alaiaq sottaldy, dep habarlaidy Dalanews.kz.
Jetisý oblysynda azamattardyń senimin teris paidalaný arqyly olardyń atyna nesieler men mikronesieler rásimdep, jeke paidasyna jaratqan er adamǵa qatysty qylmystyq is boiynsha sot talqylaýy aiaqtaldy.
Sottalǵan adam jábirlenýshilerdiń jeke derekterine jáne elektrondyq tsifrlyq qoltańbasyna qol jetkizip, olardy zańsyz nesie rásimdeýge jáne aqshalai qarajatty iemdenýge paidalanǵan.
Qylmystyq áreketterdiń saldarynan 14 azamat zardap shegip, keltirilgen materialdyq shyǵynnyń jalpy somasy 40 mln teńgeden asty.
Sot úkimimen ol kináli dep tanylyp, 4 jyl 6 ai merzimge bas bostandyǵynan aiyryldy.
Sot úkimi zańdy kúshine endi.
