Qadirli aǵaiyn, qurmetti baýyrlar, jerin qorǵaýshy batyr ul-qyzdarymyz, aǵa-inilerimiz, «Alash joly» qozǵalysynyń músheleri men qoldaýshylary!
Búgingi Úkimet janynan qurylǵan jer reformasy jónindegi komissiianyń alǵashqy jinalysynan keiin «Alash joly» qozǵalysynyń Uiymdastyrý komiteti shuǵyl jinalys ótkizip, naqty sheshim qabyldady.
Úkimettik komissiia jónindegi halyqtyń kúdigi tolyqtai rastaldy. Qatystyq, kórdik, kóz jetkizdik.
Birinshi vitse-premer Baqytjan Saǵyntaev bastaǵan Úkimettik komissiiaǵa shaqyrylǵan 75 adamnyń 70i qatysty. Ókinishke qarai jer qazaqstandyqtarǵa da, sheteldikterge de satylmasyn, jalǵa da berilmesin degen ustanymty sol 70 adamnyń 11i ǵana qoldady jáne komissiia sheshimi daýys berý arqyly qabyldanatyn boldy. Bul Úkimet óz degenin isteidi degendi bildiredi. Jalpy komissiia jumysynda kóptegen kemshilikter oryn aldy. Atap aitqanda:
1. Komissiianyń reglamenti qabyldanǵanymen onyń zańdyq, quqyqtyq mártebesi belgilengen joq. Komissiia sheshiminiń quziretiniń qandai bolatyny da belgisiz qalpynda qaldy. Bul komissiia Prezidentke keńes berýshi ǵana rol atqaratyn siiaqty. Komissiia músheleri Jer kodeksine ózgerister men tolyqtyrýlar engizetin kezde Parlamenttiń jumysshy tobyna qatysa ma, joq pa ol da túsiniksiz.
2. «Alash joly» qozǵalysynyń 5 usynysy nazarǵa alynbady. Atap aitqanda:
A) Komissiia Parlamentte qaita qurylý kerektigi týraly usynys qoldaý tappady.
Á) Komissiiaǵa «Alash joly» qozǵalysynan qosymsha 10 adam kirgizý týraly usynys qabyldanbady.
B) Mitingige qatysqan azamattardy qýdalaýdy toqtatý týraly usynys elenbedi. Ol az deseńiz mitingige qatyspaǵan «Alash joly» qozǵalysynyń músheleri, belsendileri qýdalanýda.
V) Komissiia jumysy tikelei efirden kórsetý týraly usynys maquldanbady. Esesine, komissiia jumysy týraly aqparattar keibir arnalarda birjaqty kórsetilýde, syn pikir aitqan komissiia jumysyna qatysýshylardyń pikiri efirge shyqpady.
Sondyqtan, «Alash joly» qozǵalysy birinshi vitse-premer Baqytjan Saǵyntaev basshylyq etetin QR Úkimeti janynan qurylǵan jer reformasy jónindegi komissiia jumysyna tolyqtai senimsizdik bildiredi jáne komissiia quramyna kirgizilgen «Alash joly» qozǵalysynyń jalǵyz belsendisi Maqsat Nurypbai komissiia quramynan shyqty.
«Alash joly» qoǵamdyq qozǵalysynyń Uiymdastyrý komiteti
