Alakóldi damytýdyń bas jospary ázirlenip jatyr. Bul týraly Abai oblysynyń ákimi Berik Ýáli málimdedi, dep habarlaidy Dalanews.kz.
Sheneýniktiń aitýynsha, Alakól jaǵalaýynda demalýshylar úshin qolaily jaǵdai jasap, onyń infraqurylymyn damytý boiynsha naqty sharalar qabyldanǵan. Biyl jergilikti biýdjetten 1 mlrd teńge bólinip, kól jaǵalaýyndaǵy Qabanbai aýylynda qutqarý stantsiiasy jáne órt sóndirý deposynyń qurylysy bastalǵan. Sondai-aq, jańa elektr jelisin tartý, qatty turmystyq qaldyqtar poligonyn salý boiynsha jobalyq-smetalyq qujattama ázirlenip jatyr.
"Jobalardy júieli túrde jáne sapaly iske asyrý úshin kól jaǵalaýynyń jańa bas josparynyń jobasyn ázirleý jumystary júrgizilip jatyr. Jalpy aýdany 1000 gektardan asatyn demalys jáne týrizm aimaqtaryn qalyptastyrý, qoǵamdyq jáne turǵyn aýmaqtardy damytý kózdelgen", - dedi Abai oblysynyń ákimi Berik Ýáli OKQ-da ótken baspasóz konferentsiiasynda.
Onyń aitýynsha, jobany iske asyrýdyń nátijesinde Qabanbai aýylynyń aýmaǵy men kól jaǵalaýyn biriktirip, igerilgen jer kólemin 3 myń gektarǵa deiin ulǵaitý josparlanǵan.
"Bolashaqta bul Alakóldi óńirdiń jetekshi týristik ortalyqtarynyń birine ainaldyrýǵa múmkindik beredi", - dedi ákim.
