Bul týraly oblys ákimi Danial Ahmetov Alakólge jasaǵan jumys sapary barysynda aityp ketken bolatyn. 5 maýsymnan beri kól jaǵasyndaǵy nysandarda tekserý sharalary júrgizilip, ruqsattama qujattardy berý bastaldy.
"Oblys ákimi Danial Ahmetovpen kezdesý barysynda demalys oryndaryna týristerdi qabyldaýdyń jańa sharttary usynylyp, aimaq basshysynyń sheshimimen saraptamalyq topqa múshe boldyq.
Endi top múshelerimen birlese demalys nysandary qanshalyqty daiyn ekenin birlese qadaǵalaýdamyz. Bul óte mańyzdy sheshim.
Óitkeni demalýshylar men qyzmetkerlerdiń saýlyǵy bárinen de mańyzdy", - deidi «Injý» jáne «Alakól Arasan» demalys oryndarynyń basshysy Anar Batymova.
Júrgizilgen tekserý qorytyndysy boiynsha 60 demalys bazasy jartylai daiyn, olar sanitarlyq-epidemiologiialyq talaptardy kúsheitý boiynsha áli de jumystaryn jalǵastyrýda. 14 demalys orny tolyq daiyndyǵy týraly arnaiy aktini aldy. Olar qonaq úilerde 50% syiymdylyqpen demalýshylardy ornalastyra alady, bul degenimiz 712 adam. 101 nysan áli daiyn emes, óitkeni olarda týrsiterdi qabyldaý 20 maýsymnan keiin bastalady.
— Biz barlyq sanitarlyq talaptardy oryndap, ruqsattama aldyq. Árbir jerde sanitaizerler men qorǵanys quraldary ornatylǵan, araqashyqtyqty saqtaý belgileri kórsetilgen. Bizde 100%-ǵa qaýipsiz dep aita alamyz. Tek demalýshylardan PTsR men ekspress-testileýdi durys ótip, anyqtama usynýdy suraimyz, - deidi «Parýs» demalys bazasynyń qojaiyny Janna Ramazan.
Jalpy, jergilikti kásipkerler qaýipsizdik pen saqtyq sharalaryn saqtaý qajettiligin túsinip, joǵary jaýapkershilik tanytýda.
