Alakól jaǵalaýynda órt sóndirý deposy men qutqarý stantsiiasynyń qurylysy bastaldy,- dep habarlaidy Dalanews.kz
Qutqarý stantsiiasynyń qurylýy Alakól aimaǵyndaǵy týrister men jergilikti turǵyndardyń qaýipsizdigin qamtamasyz etedi. Jańa nysan órt qaýipsizdigi men qutqarý qyzmetterin jedel úilestirýge, qajetti tehnika men mamandardy tartýǵa septigin tigizedi.
Eki jobanyń qurylysynyń bastalý rásimine oblys ákiminiń orynbasary Serik Tólenbergenov qatysyp, bul bastamanyń jaǵalaý infraqurylymyn damytý men azamattardyń qaýipsizdigin qamtamasyz etýdegi mańyzdy qadam ekenin atap ótti.
